بەلگٸلٸ جۋرناليست ەرٸ بلوگەر مٶلدٸر انارباەۆا استاناداعى كٶپقاباتتى ٷيلەردٸڭ بٸرٸنەن قوماقتى اقشا شاشىلعان وقيعاعا ٷن قاتىپ, بايلىق پەن اقشاعا قۇنىعۋ تۋرالى پٸكٸرٸن بٸلدٸردٸ, دەپ حابارلايدى ult.kz.
جۋرناليست ەلەۋمەتتٸك جەلٸدەگٸ جازباسىندا جۇرتتى ٶزگەنٸڭ قالتاسىنا كٶز تٸكپەۋگە شاقىردى. ونىڭ سٶزٸنشە, اقشا ادامنىڭ بەرەكەسٸن قاشىرىپ, تىنىشتىعىن بۇزۋى مٷمكٸن. ەسٸرەسە ونىڭ قايدان كەلگەنٸ كٷمەندٸ بولسا, ارتى جاقسىلىققا اپارمايدى.
"بايدىڭ مالىن بايقۇس قىزعانىپتى بولماسىن, تىنىش وتىرايىق, ەگەر ٶزٸنٸكٸ بولسا. كينوڭ جولدا قالدى. حالىق قۇدايدىڭ بٸر اتى, اقشانىڭ بۋى وڭدىرمايدى, ەسٸرەسە ۇرلىق بولسا. كٶپ اقشاڭ بولسا دا بەلە, ۇيقى جوق, تەرەزەدەن لاقتىراسىڭ", – دەپ جازدى ول.
مٶلدٸر انارباەۆا وتباسىنداعى قارجى مەسەلەسٸنە دە توقتالدى. ول ەيەلدەردٸڭ كٷيەۋٸنەن ٶزگەلەرمەن بەسەكەلەسٸپ, قالايدا كٶپ اقشا تابۋدى تالاپ ەتۋٸن قۇپتامايتىنىن جەتكٸزدٸ.
"ٶتكەندە عانا ايتىپ ەدٸم, "كٶپ اقشا ەكەلسە بايىڭنان سۇرا, ايتىپ وتىر جٶنٸڭمەن جٷر!" دەپ. بٸراق بايدىڭ قاتىنى مەنٸ تىڭداي ما?! تىپ-تىنىش تاپقان اقشاڭىزعا ريزا بولىپ, ۋايىمسىز ۇيقىڭىزدى قاناعات قىلىڭىز! بايىڭىزعا بٸرەۋدٸ ٷلگٸ قىلىپ, قالايدا كٶپ اقشا تاپ! – دەگەندٸ قويىڭىز! قيىن…", – دەدٸ بلوگەر.
جۋرناليستٸڭ جازباسى جەلٸ قولدانۋشىلارىنىڭ دا نازارىن اۋداردى. كٶپشٸلٸك استاناداعى وقيعانى قىزۋ تالقىلاپ, ەزٸل ارالاس پٸكٸرلەرٸن جاۋدىرعان.
"وسىنداي كەزدە استانانىڭ جەلٸ دە بولمادى عوي", "اسپاننان دوللار جاۋعان كٷندٸ دە كٶردٸك", – دەپ جازدى جەلٸ قولدانۋشىلارى.
ايتا كەتەيٸك, بۇعان دەيٸن ەلورداداعى تۇرعىن ٷيلەردٸڭ بٸرٸندە تەرەزەدەن دوللار شاشىلعانى تۋرالى اقپارات تاراعان ەدٸ. ەرەكشە وقيعا ەلەۋمەتتٸك جەلٸدە قىزۋ تالقىعا تٷستٸ.
مٶلدٸر انارباەۆا كٸم?
مٶلدٸر نۇرلانقىزى انارباەۆا – قازاقستاندىق جۋرناليست, تەلەجٷرگٸزۋشٸ ەرٸ تانىمال بلوگەر. ول 1985 جىلى جامبىل وبلىسىنىڭ شۋ اۋدانىندا دٷنيەگە كەلگەن. ەل-فارابي اتىنداعى قازاق ۇلتتىق ۋنيۆەرسيتەتٸنٸڭ جۋرناليستيكا فاكۋلتەتٸن تەمامداعان.
2008 جىلدان باستاپ "JAMBYL" تەلەارناسىندا قىزمەت اتقارىپ, "سٸز نە دەيسٸز?" توك-شوۋى مەن "ول جەنە ٶمٸر" باعدارلاماسىن جٷرگٸزگەن. كەيٸن ەلەۋمەتتٸك جەلٸدە وتباسىلىق ٶمٸر, بالا تەربيەسٸ جەنە قوعامداعى ٶزەكتٸ مەسەلەلەر تۋرالى ەزٸل ارالاس بەينەروليكتەرٸمەن تانىلدى. جۋرناليست قايىرىمدىلىق شارالارىنا دا اتسالىسىپ, مۇقتاج وتباسىلارعا قارجى جيناۋعا كٶمەكتەسكەن.
