Белгілі әзілкеш Тұрсынбек Қабатовтың қызы Әдемі Тұрсынбекқызы әлеуметтік желідегі парақшасында қыз тәрбиесі мен тектілікке қатысты жазба жариялады, деп хабарлайды ult.kz.
Әдемі Тұрсынбекқызы Instagram желісіндегі stories бөлімінде қазақтың қыз баланың тәрбиесі мен шыққан тегіне қатысты айтылатын сөзін бөліскен.
“Текті жердің қызын алсаң, тойған сайын құлпырады. Тексіз жердің қызын алсаң, тойған сайын құтырады”, – деп жазды ол.
Желіде жарияланған жазбада басқа түсініктеме берілмеген. Әдемі Тұрсынбекқызы бұл сөздерді кімге немесе қандай жағдайға байланысты айтқанын нақтыламаған.
Айта кетейік, 70 жастағы ер адам Мөлдір Мұқанға ерекше құрмет көрсетті.
Тұрсынбек Қабатов кім?
Тұрсынбек Қабатов – қазақстандық танымал әзілкеш, актер, тележүргізуші әрі продюсер. Ол 1979 жылы 10 қазанда Батыс Қазақстан облысында дүниеге келген. Өнер жолын әзіл-сықақ саласында бастап, “Көңілді тапқырлар алаңы” (КТА) ойындары арқылы көпшілікке танылды.

Кейін жеке шығармашылық жолын жалғастырып, еліміздің түрлі қалаларында әзіл-сықақ концерттерін өткізді. Оның сахнадағы қойылымдары көбіне отбасылық қарым-қатынас, ерлі-зайыптылардың өмірі және қоғамдағы күнделікті жағдайларға арналған. Сондай-ақ ол “Әзіл әлемі” жобасы арқылы танымал болды.
Тұрсынбек Қабатовтың жеке өмірі де көпшіліктің назарында. Оның қызы Әдемі Тұрсынбекқызы әлеуметтік желіде белсенді болып, түрлі жазбалар жариялап тұрады.
