Грузияда U8, U10 және U12 жас категориялары бойынша кадеттер арасындағы Әлем кубогы аяқталды. Қазақстандық төрт спортшы әртүрлі дәрежедегі медаль жеңіп алды.
Алтын медальды 10 жастағы алматылық Ризат Ұлан иеленді. O10 санатында 150 спортшы қатысқан турнирде ол 9 ұпай жинап, чемпион атанды.
Әлемнің әртүрлі жас топтарындағы көп дүркін чемпионы, 9 жастағы Алиша Бисалиева G10 санатында екінші орынға тұрақтады. Ол 9 ұпай жинады, жеңімпаз — қытайлық Чэнь Чжихань да дәл сонша ұпай жинаған. Бірінші орынды қосымша көрсеткіштер шешті.
G12 санатында Милана Филиппова 8,5 ұпай жинап, үшінші орынға (қола жүлде) көтерілді. Тағы бір қола медаль O12 санатында Рамазан Төлегенге бұйырды.
Бұл жарыстар кадеттер арасындағы әлем чемпионатына іріктеу болып табылады. Кубокқа 68 ел мен аумақтан 662 спортшы қатысты.
2026 жылдан бастап FIDE World Cadets’ Championships Cycle 2026 аясында ең жас топтардағы (U8, U10 және U12) әлемнің үздік шахматшыларын анықтау жүйесі өзгерді. Әр алты санаттағы үздік үштік 2026 жылғы 11–16 қараша аралығында Батумиде өтетін FIDE World Cadets Championships 2026 әлем чемпионатына тегін тұру («толық пансион») құқығымен жолдама алады.
