Grýziiada U8, U10 jáne U12 jas kategoriialary boiynsha kadetter arasyndaǵy Álem kýbogy aiaqtaldy. Qazaqstandyq tórt sportshy ártúrli dárejedegi medal jeńip aldy.
Altyn medaldy 10 jastaǵy almatylyq Rizat Ulan ielendi. O10 sanatynda 150 sportshy qatysqan týrnirde ol 9 upai jinap, chempion atandy.
Álemniń ártúrli jas toptaryndaǵy kóp dúrkin chempiony, 9 jastaǵy Alisha Bisalieva G10 sanatynda ekinshi orynǵa turaqtady. Ol 9 upai jinady, jeńimpaz — qytailyq Chen Chjihan da dál sonsha upai jinaǵan. Birinshi oryndy qosymsha kórsetkishter sheshti.
G12 sanatynda Milana Filippova 8,5 upai jinap, úshinshi orynǵa (qola júlde) kóterildi. Taǵy bir qola medal O12 sanatynda Ramazan Tólegenge buiyrdy.
Bul jarystar kadetter arasyndaǵy álem chempionatyna irikteý bolyp tabylady. Kýbokqa 68 el men aýmaqtan 662 sportshy qatysty.
2026 jyldan bastap FIDE World Cadets’ Championships Cycle 2026 aiasynda eń jas toptardaǵy (U8, U10 jáne U12) álemniń úzdik shahmatshylaryn anyqtaý júiesi ózgerdi. Ár alty sanattaǵy úzdik úshtik 2026 jylǵy 11–16 qarasha aralyǵynda Batýmide ótetin FIDE World Cadets Championships 2026 álem chempionatyna tegin turý («tolyq pansion») quqyǵymen joldama alady.
