Қазақстан Тәуелсіздігіне 25 жыл

Almatyda 200-den astam jer telimi kóshkin qaýpi bar aimaqqa jatqyzyldy

Almatyda 200-den astam jer telimi kóshkin qaýpi bar aimaqqa jatqyzyldy
Ashyq derekkózderden

Almaty qalasynda júrgizilgen pasporttaý jumystarynyń qorytyndysy boiynsha kóshkin qaýpi bar 200-den astam ýchaske anyqtaldy. Bul jumystardy qala ákimdigi Geografiia jáne sý qaýipsizdigi institýtymen birlesip júrgizgen, dep habarlaidy ult.kz.

Bir kún ishinde mamandar kóshkin qaýpi bar 73 ýchaskeni aralady. Turǵyndarǵa topyraq kóshkininiń belgileri, evakýatsiialaý tártibi jáne qaýipsizdik sharalary túsindirildi.

Mamandardyń aldyn ala baǵalaýynsha, qaýipti ýchaskelerdiń shamamen 80 paiyzyna adam áreketi sebep bolǵan. Negizgi sebepter – úi qurylysy kezinde betkeilerdi qazyp, kesý, jerdi shamadan tys sýarý, nóserlik káriz júiesiniń bolmaýy jáne sý qubyrlary jelisindegi aqaýlar.

2026 jyly Almatyda tehnogendik sipattaǵy kóshkin qubylystarynyń 15 jaǵdaiy tirkelgen. Onyń ishinde alty ret topyraq opyrylýy, úsh kóshkin jáne alty ret topyraqtyń syrǵýy bolǵan.

Qutqarýshylar taýly aimaqtardyń turǵyndaryn betkeilerdi qazyp, kesýden aýlaq bolýǵa, sý qubyry men káriz jelileriniń jaǵdaiyn baqylaýǵa, sýdyń jinalýyna jol bermeýge, sondai-aq jańbyr jáne erigen qar sýlaryn qaýipsiz baǵytqa burýǵa shaqyrady.