Қазақстан Тәуелсіздігіне 25 жыл

Maqpal Isabekova ajyrasqanyn aitty

Maqpal Isabekova ajyrasqanyn aitty
Foto: Neirojeli arqyly jasaldy

Ánshi Maqpal Isabekova tórt jyl boiy bala kútimimen úide otyrǵanyn, eki jyl buryn ajyrasqanyn jáne taǵy da ana atanǵysy keletinin aitty. Ol bul týraly “Zamandas” baǵdarlamasyna bergen suhbatynda bólisti, dep habarlaidy ult.kz.

Óner iesi balalary dúniege kelgen soń shyǵarmashylyqqa úzilis jasaǵan. Bul sheshimdi ózi qabyldaǵanyn aitady. Ánshi ulyn 38 jasynda, qyzyn 40 jasynda bosanǵan. Qazir uly tórtte, qyzy eki jasta.

“Sol sebepti olardyń qalai ósip, qalai ózgerip jatqanyn kórgim keldi. Balaǵa kútim jasaýǵa kómekshim de bolmady, tek ulym 9 ailyq bolǵan kezde ǵana aldym”, – dedi Maqpal Isabekova.

Suhbatta ánshi bosanǵannan keiin depressiiaǵa túskenin de aitty. Al burynǵy kúieýimen Shymkentte tanysqan. Úilengennen keiin ekeýi eki qalada turǵan. Maqpal Almatyda qalsa, jubaiy Shymkentte turǵan. Balalary dúniege kelgennen keiin de ol otbasyna kelip-ketip júrgen. Ánshiniń sózinshe, olardyń nekesi eki jyl buryn buzylǵan.

Isabekova taǵy da ana atanǵysy keletinin jasyrmady.

“Taǵy eki bala dúniege ákelgim keledi. Ýaqyttyń ótip bara jatqanyn túsinemin, biraq qazir 45 jasta da bosanýǵa bolady ǵoi. Jas degen jai syltaý ǵana. Ajyrasyp kettim”, – dedi ánshi.

Qazir Maqpal Isabekova shyǵarmashylyqqa qaita oralyp, filmder men serialdarǵa túsip júr. Kei jobalarda basty róldi de somdaǵan. Aitýynsha, qazirgi negizgi tabys kózi – kontsertter men kinodaǵy jumysy.

Maqpal Isabekova kim?

Maqpal Isabekova – qazaqstandyq estrada ánshisi, aktrisa jáne telejúrgizýshi. Ol 1984 jyly 21 aqpanda Jarkent qalasynda dúniege kelgen. Kópshilikke 2003 jyly bastalǵan “SuperStar KZ” jobasy arqyly tanyldy.

2005 jyly Isabekova “Pervyi potselýi” atty alǵashqy albomyn shyǵardy. Sol jyly Latviianyń Iýrmala qalasynda ótken “Novaia volna” halyqaralyq baiqaýynda kórermen kózaiymy júldesin ielendi. Onyń repertýarynda “Aiala meni”, “Men jaily” jáne “Kto ostanovit dojd?” ánderi bar.

Isabekova kino salasynda da óner kórsetti. 2014 jyly “Zagnannaia” filminde basty róldi somdady. 2016 jyly Disney stýdiiasynyń “Moana” mýltfilminiń qazaqsha nusqasynda basty keiipkerdi dybystady.