Qazaqstannyń eńbek sińirgen qairatkeri Athambek Iýldashevtiń bilik týraly aitqan pikiri áleýmettik jelide qaita talqylanyp jatyr. Óner iesi bul oiyn Nurseiit Jylqyshybaidyń “Ýaqyt kórsetedi” baǵdarlamasyna bergen suhbatynda bildirgen, dep habarlaidy ult.kz.
Ana týraly ánimen kópshilikke tanylǵan ánshi suhbat barysynda el basqarý taqyrybyna toqtalǵan. Onyń pikirinshe, el tizginin ustaý Qudaidyń súiikti pendesine ǵana buiyrady.
Sońǵy jyldary qaiyrymdylyqpen ainalysyp, muqtaj jandarǵa kómektesip júrgen óner iesiniń sózine jeli qoldanýshylary da pikir bildirgen.
“Toqaevty rasymen Jaratýshy jibergen”, – dep jazǵan oqyrmandardyń biri. Taǵy bir qoldanýshy ánshiniń adamgershiligine toqtalǵan.
“Bul kisini Shymkenttiń biraz turǵyny tanidy. Aqkóńil, qoly ashyq, jomart adam”, – dep pikir qaldyrǵan ol.
Aita keteiik, Tanymal ánshi 65 jasqa tolýyna eki kún qalǵanda ómirden ótti.
Athambek Iýldashev kim?
Athambek Iýldashev – Shymkenttiń ánshisi, akter ári prodiýser, Qazaqstannyń eńbek sińirgen qairatkeri. Ol qazaq tyńdarmandaryna “Anama dep” ánimen tanyldy. Otyrar basylymynyń dereginshe, Iýldashev 2012 jyly Astanada alǵash ret jeke kontsertin ótkizgen.

Óner iesi kino salasynda da eńbek etken. Otyrar-ǵa bergen suhbatynda ózi túsirgen filmderdi ata-anasyna arnaǵanyn aitqan. 2013 jyly Shymkentte analarǵa arnalǵan tegin kontsert ótkizip, oǵan Qazaqstan men Ózbekstannyń estrada ánshileri qatysqan.

Iýldashev qaiyrymdylyqpen de ainalysqan. Otyrar málimetinshe, 2011 jyly ol Shymkenttegi №51 mektepke 500 myń teńge bergen. Al Nurseiit Jylqyshybaidyń “Ýaqyt kórsetedi” baǵdarlamasynda Ózbekstandaǵy toilar men kontsertterden tapqan aqshasyn Qazaqstandaǵy kómekke muqtaj adamdarǵa bergenin aitqan.