Қазақстан Тәуелсіздігіне 25 жыл

“پرەزيدەنت قۇدايدىڭ سٷيٸكتٸ پەندەسٸ”: اتحامبەك يۋلداشەۆتٸڭ پٸكٸرٸ تالقىعا تٷستٸ

“پرەزيدەنت قۇدايدىڭ سٷيٸكتٸ پەندەسٸ”: اتحامبەك يۋلداشەۆتٸڭ پٸكٸرٸ تالقىعا تٷستٸ
فوتو: نەيروجەلٸ ارقىلى جاسالدى

قازاقستاننىڭ ەڭبەك سٸڭٸرگەن قايراتكەرٸ اتحامبەك يۋلداشەۆتٸڭ بيلٸك تۋرالى ايتقان پٸكٸرٸ ەلەۋمەتتٸك جەلٸدە قايتا تالقىلانىپ جاتىر. ٶنەر يەسٸ بۇل ويىن نۇرسەيٸت جىلقىشىبايدىڭ “ۋاقىت كٶرسەتەدٸ” باعدارلاماسىنا بەرگەن سۇحباتىندا بٸلدٸرگەن, دەپ حابارلايدى ult.kz.

انا تۋرالى ەنٸمەن كٶپشٸلٸككە تانىلعان ەنشٸ سۇحبات بارىسىندا ەل باسقارۋ تاقىرىبىنا توقتالعان. ونىڭ پٸكٸرٸنشە, ەل تٸزگٸنٸن ۇستاۋ قۇدايدىڭ سٷيٸكتٸ پەندەسٸنە عانا بۇيىرادى.

سوڭعى جىلدارى قايىرىمدىلىقپەن اينالىسىپ, مۇقتاج جاندارعا كٶمەكتەسٸپ جٷرگەن ٶنەر يەسٸنٸڭ سٶزٸنە جەلٸ قولدانۋشىلارى دا پٸكٸر بٸلدٸرگەن.

“توقاەۆتى راسىمەن جاراتۋشى جٸبەرگەن”, – دەپ جازعان وقىرمانداردىڭ بٸرٸ. تاعى بٸر قولدانۋشى ەنشٸنٸڭ ادامگەرشٸلٸگٸنە توقتالعان.

“بۇل كٸسٸنٸ شىمكەنتتٸڭ بٸراز تۇرعىنى تانيدى. اقكٶڭٸل, قولى اشىق, جومارت ادام”, – دەپ پٸكٸر قالدىرعان ول.

ايتا كەتەيٸك, تانىمال ەنشٸ 65 جاسقا تولۋىنا ەكٸ كٷن قالعاندا ٶمٸردەن ٶتتٸ. 

اتحامبەك يۋلداشەۆ كٸم?

اتحامبەك يۋلداشەۆ – شىمكەنتتٸڭ ەنشٸسٸ, اكتەر ەرٸ پروديۋسەر, قازاقستاننىڭ ەڭبەك سٸڭٸرگەن قايراتكەرٸ. ول قازاق تىڭدارماندارىنا “اناما دەپ” ەنٸمەن تانىلدى. Otyrar باسىلىمىنىڭ دەرەگٸنشە, يۋلداشەۆ 2012 جىلى استانادا العاش رەت جەكە كونتسەرتٸن ٶتكٸزگەن.

ٶنەر يەسٸ كينو سالاسىندا دا ەڭبەك ەتكەن. Otyrar-عا بەرگەن سۇحباتىندا ٶزٸ تٷسٸرگەن فيلمدەردٸ اتا-اناسىنا ارناعانىن ايتقان. 2013 جىلى شىمكەنتتە انالارعا ارنالعان تەگٸن كونتسەرت ٶتكٸزٸپ, وعان قازاقستان مەن ٶزبەكستاننىڭ ەسترادا ەنشٸلەرٸ قاتىسقان.

يۋلداشەۆ قايىرىمدىلىقپەن دە اينالىسقان. Otyrar مەلٸمەتٸنشە, 2011 جىلى ول شىمكەنتتەگٸ №51 مەكتەپكە 500 مىڭ تەڭگە بەرگەن. ال نۇرسەيٸت جىلقىشىبايدىڭ “ۋاقىت كٶرسەتەدٸ” باعدارلاماسىندا ٶزبەكستانداعى تويلار مەن كونتسەرتتەردەن تاپقان اقشاسىن قازاقستانداعى كٶمەككە مۇقتاج ادامدارعا بەرگەنٸن ايتقان.