Қазақстан Тәуелсіздігіне 25 жыл

Qazaq estradasynda daý týdyrǵan hit ánder

Qazaq estradasynda daý týdyrǵan hit ánder
Foto: Neirojeli arqyly jasaldy

Gúlnur Orazymbetova myń dollar tólegen ánin keiin ózge dýettiń oryndaýynda estigen. Nurlan Ónerbaev 37 jyl boiy aityp kelgen “Anashymmen” sahnada qoshtasty. Al Aiqyn Tólepbergen oryndaǵan “Otyzdan asyp baramynǵa” qatysty daý sotqa deiin jetken. Ult.kz elge tanylǵan bes ánniń tóńiregindegi kelispeýshilik neden bastalǵanyn sholyp shyqty. 

“Júregimdi tyńdashy”. Myń dollar tólegen ándi dýet oryndaǵan

Gúlnur Orazymbetova “Júregimdi tyńdashy” ánin alǵash toilarda oryndaý úshin alǵanyn aitady. Onyń sózinshe, kompozitor Dáýren Serdalievtiń týyndysyna 1000 dollar tólegen. Keiin áleýmettik jeliden Áliia Ábikenniń dál osy ándi stýdiiada jazyp jatqanyn kórip, sazgerge habarlasqan. Orazymbetovanyń 2019 jyly “El aýzynda” baǵdarlamasynda aitýynsha, Serdaliev ánniń teledidarda oryndalmaǵanyn alǵa tartyp, ony Áliiaǵa bergenin túsindirgen. 

Gúlnurdyń aitýynsha, Áliia ánge buǵan deiin basqa oryndaýshy aqy tólegenin bilmegen. Týyndy Áliia Ábiken men Qanat Úmbetovtiń oryndaýynda jelige shyqqan soń, Orazymbetova aqshasyn kompozitordan qaitarýdy suraǵan. Ánshiniń sózinshe, Serdaliev somany eki bólip berýge ýáde etken. Qarajattyń keiin qaitarylǵany suhbatta aitylmady.

“O, mahabbat, ǵajapsyń”. Qairat Nurtastyń komandasy men kompozitor eki túrli jaýap berdi

2025 jylǵy maýsymda Samat Janǵazin Qairat Nurtastyń “O, mahabbat, ǵajapsyń” ánin ruqsatsyz oryndap júrgenin aitty. Samattyń sózinshe, ándi kompozitor Dáýren Shárippen birge birneshe ai daiyndaǵan. Ol Tengri Life redaktsiiasyna kórsetken qujattarda Shárip sazger, Azamat Sábetov aranjirovka jasaǵan maman, al Samat oryndaýshy retinde jazylǵan. 

Qairat Nurtastyń ákimshisi ándi kompozitordan satyp alǵandaryn málimdedi. Dáýren Shárip bolsa, týyndyny Qairattyń komandasyna 2024 jylǵy qazanda usynǵanyn, birneshe ai boiy naqty jaýap bolmaǵan soń usynysyn qaitaryp alǵanyn aitty. Onyń sózinshe, Qairatqa ándi satpaǵan ári odan aqsha almaǵan. Keiin Samat “Kezdesu” jobasyna bergen suhbatynda Móldir Muqannyń aralasýymen Qairat ekeýi tatýlasyp, dýet jazýǵa ýaǵdalasqanyn jetkizdi. 

“Anashym”. Nurlan Ónerbaev 37 jyl shyrqaǵan ánimen qoshtasty

“Anashymnyń” áýenin Marat Omarov, sózin Qairat Jumaǵaliev jazǵan. Kópshilik ándi Nurlan Ónerbaevtyń oryndaýynda biledi. Ónerbaev “Tań nury” baǵdarlamasynda Omarovtyń 2018 jyly Astanadaǵy kontsertiniń aldynda osy ándi aitpaýyn ótingenin eske aldy. Al 2023 jyly Almatyda ótken keshinde 37 jyl boiy oryndaǵan týyndysymen qoshtasqanyn aitty. Onyń sózinshe, Omarov ándi endi ózi oryndaǵysy keletinin jetkizgen. 

Omarov keiin avtorlardyń esimi kontsertterde atalmai júrgenine renjigenin túsindirdi. Sazgerdiń aitýynsha, ándi Ónerbaevtyń oryndaýynda tyńdap úirengen jurt ony ánshiniń óz týyndysy dep qabyldap ketken. Omarov 2026 jylǵy qarashada osy máselege qaita oralyp, Ónerbaevqa ándi oryndaýǵa resmi tyiym salynbaǵanyn aitty. 

“Almatynyń túnderi-ai”. Birge oryndaǵan ánge jyldar ótken soń daý týdy

2026 jylǵy sáýirde ánshi Álisher Qairatovtyń jubaiy Sandina Qairatova “Almatynyń túnderi-ai” ániniń sózi, áýeni men aranjirovkasy kúieýine tiesili ekenin málimdedi. Onyń aitýynsha, Álisher men Qairat Nurtas ándi buryn birge oryndaǵan. Keiin Qairat týyndyny toilar men kontsertterde Álishermen kelispei aityp júrgen. Sandina avtorlyqty rastaityn qujattary bar ekenin jáne máseleni kelissóz arqyly sheshkisi keletinin jetkizdi. 

Qairat Nurtastyń ákimshisi 31 arnaǵa bul jaǵdaidy áleýmettik jeliden bilgenderin aitty. Onyń sózinshe, sol kezde komandaǵa resmi shaǵym túspegen, al ánshiniń ókilderi sóilesýge daiyn bolǵan. Keiin taraptardyń kelisimge kelgeni týraly ashyq derek tabylmady.

“Otyzdan asyp baramyn”. Aiqyn Tólepbergen án úshin sotqa bardy

Sazger Sadyq Qynat 2023 jyly “Habar” arnasynda ánniń áýenin 1993 jyly, 40 jasqa tolǵanda shyǵarǵanyn aitty. Alǵashynda ony “Qyryqtan asyp baramyn” dep aityp júrgenin, keiin áýendi Muqaǵali Maqataevtyń óleńine laiyqtaǵanyn jetkizdi. Sazger Aiqyn Tólepbergen ándi oryndaǵanda óziniń aty-jónin atamaǵanyn jáne odan ruqsat suramaǵanyn aityp, sotqa júgingen. 

Aiqyn sol baǵdarlamada avtorlyq quqyq uiymyna suraý jibergenin, jaýapta ánniń avtory retinde basqa adamnyń aty kórsetilgenin aitty. Ánshi sotta jeńip shyqqanyn da jetkizdi. Sot sheshiminiń mátini ashyq derekkózderden tabylmady.