Қазақстан Тәуелсіздігіне 25 жыл

“Aqymaq kezde úilenip alý kerek”: Azamat Satybaldy Erkebulan Toqtarǵa keńes berdi

“Aqymaq kezde úilenip alý kerek”: Azamat Satybaldy Erkebulan Toqtarǵa keńes berdi
Foto: Neirojeli arqyly jasaldy

Akter Azamat Satybaldy jubaiymen birge Erkebulan Toqtarmen áńgimelesip, shańyraq kóterý týraly oi bólisti. Áńgime barysynda akter erte úilenýdiń artyqshylyǵy nede ekenin óz túsinigimen jetkizdi, dep habarlaidy ult.kz.

Satybaldynyń pikirinshe, otbasylyq ómirdiń qiyndyǵy qai jasta úilenseń de aldyńnan shyǵady. Tipti 40-50 jasta shańyraq kótergen adamǵa da sol máselelerdi sheshýge týra keledi. Akter kei qiyndyqty keiin eńserý aýyr bolýy múmkin dep sanaidy.

“Aqymaq kezde úilenip alý kerek. Sen otbasylyq máseleden 40-50-ge kelip úilenseń de ótesiń, ol kezde aýyr bolýy múmkin. Sol úshin erterek úilenip, erterek jaýapkershilik alý kerek”, – dedi Azamat Satybaldy.

Mahabbat pen otbasy jaily áńgime áleýmettik jelide talqyǵa tústi. Akterdiń sózi shańyraq kóterýge qai jas qolaily degen taqyrypta túrli pikirge sebep boldy.

Aita keteiik, Sábit Ábdihalyqov burynǵy áielderi týraly ázil aitty. 

Azamat Satybaldy kim?

Azamat Satybaldy – qazaqstandyq teatr jáne kino akteri, prodiýser, Qazaqstannyń eńbek sińirgen qairatkeri. Ol 1977 jyly 2 qarashada Jambyl oblysynda dúniege kelgen. T. Júrgenov atyndaǵy Qazaq ulttyq óner akademiiasyn teatr jáne kino akteri mamandyǵy boiynsha bitirgen.

Eńbek jolyn Qostanai oblystyq drama teatrynda bastaǵan. Keiin Muhtar Áýezov atyndaǵy drama teatrynda óner kórsetti. Kórermenge “Aǵaiyndy”, “Qara shańyraq”, “Reketir-2” jáne “Tomiris” týyndylaryndaǵy rólderi arqyly tanyldy.

Satybaldy Ǵabit Músirepov atyndaǵy balalar men jasóspirimder teatryn jáne T. Júrgenov atyndaǵy Qazaq ulttyq óner akademiiasyn basqarǵan. 2023–2024 jyldary “Qazaqfilm” kinostýdiiasynyń prezidenti boldy. Jubaiy – aktrisa Nazgúl Qarabalina. Erli-zaiypty bir ul tárbielep otyr.