Қазақстан Тәуелсіздігіне 25 жыл

“Salǵyrttyq tanytty”: Rústem men Janargúl uldarynyń qazasynan keiin alǵash ret suhbat berdi

“Salǵyrttyq tanytty”: Rústem men Janargúl uldarynyń qazasynan keiin alǵash ret suhbat berdi
Foto: Neirojeli arqyly jasaldy

Rústem men Janargúl Janyamanovtar uldarynyń qazasynan keiin alǵash ret suhbat berdi. Janar Baisemizdiń podkastynda erli-zaiypty balasynyń aýrýhanada ótkizgen ailaryn eske aldy. Rústem emge qatysty áli de kókeiinde suraq baryn aitty, dep habarlaidy ult.kz.

Janar Baisemizdiń aitýynsha, erli-zaiyptynyń uly buǵan deiin aýyr dertten aiyqqan. Keiin ol basqa aýrýǵa shaldyǵyp, toǵyz ai boiy aýrýhanada jatqan. Júrgizýshiniń sózinshe, balanyń beti beri qaraǵanymen, ol emdelip jatqan dertinen ózge sebepten kóz jumǵan. Júrgizýshi ólimniń naqty sebebin atamady.

“Ulymnyń jansyz denesi jatty. Salǵyrttyq ta bar. Qazir aitatyn bolsam, memlekettik másele kóteriledi. Qandai himiia salyp jatqany áli kóbine jumbaq”, – dedi Rústem Janyamanov.

Suhbatta erli-zaiypty ulynan aiyrylǵannan keiingi ómiri men qaiǵyny qalai qabyldaǵany týraly da áńgimeledi.

Aita keteiik, Medeý Arynbaev qupiiasyn ashty. 

Rústem Janyamanov kim?

Rústem Janyamanov — qazaqstandyq akter, teatr rejisseri jáne kinoprodiýser. Ol kópshilikke “Habar” arnasyndaǵy “Kelinjan” telehikaiasynda Qylyshbekti somdaýymen tanyldy. Osy róli úshin 2023 jyly “Nauryz” ulttyq teleserialdar báigesiniń “Ekinshi plandaǵy úzdik akter” atalymyna usynyldy.

Janyamanov 2007 jyly T. Júrgenov atyndaǵy Qazaq ulttyq óner akademiiasynyń kolledjin, 2012 jyly akademiianyń rejissýra fakýltetin támamdaǵan. Rejisser Bolat Atabaevtan tálim alǵan. Teatrda da rejisserlik qyzmet atqaryp, 2017 jyly Memlekettik qýyrshaq teatrynda eki spektakl qoiǵan.

Akter “Serjan bratan” veb-serialynda Serjannyń jas kezin somdaǵan. Sondai-aq “Aǵashki po vyzový”, “Janym, ty ne poverish!” jáne “Operatsiia «Altyn adam»” filmderinde oinaǵan. 2024 jyly “Sen maǵan kereksiń” filminiń prodiýseri bolyp, basty rólderdiń birin oinady. Bul týyndyǵa jubaiy, aktrisa Janargúl Janyamanova da túsken.

Erli-zaiypty “Kózime shóp salma” filminde de birge oinaǵan. Rústem osy jobanyń prodiýseri. Filmniń premerasy 2026 jylǵy 3 jeltoqsanǵa josparlanǵan.

Rústem men Janargúldiń tuńǵysh uly Nurmuhamet 2026 jylǵy maýsymda dúnieden ótti. Erli-zaiypty uldarynyń qazasynan keiingi alǵashqy suhbatyn Janar Baisemizge berdi.