Jeksenbi, 22 qarashada Qazaqstannyń basym bóliginde jańbyr men qar jaýady. Eldiń ońtústik-batysynda nóser kútilse, shyǵysynda jaýyn-shashynsyz bolady. Kei óńirde tuman túsip, kóktaiǵaq bolady, al ońtústikte naizaǵai oinaýy múmkin, dep habarlaidy ult.kz.
Astanada túnde jáne tańerteń tuman túsedi. Jaýyn-shashyn kútilmeidi. Túnde aýa temperatýrasy −2…0 °C, kúndiz +6…+8 °C bolady. Ońtústikten jáne ońtústik-batystan soǵatyn jeldiń jyldamdyǵy 3–8 m/s bolady.
Almaty men Shymkentte jaýyn-shashyn kútilmeidi. Almatyda túnde +5…+7 °C, kúndiz +15…+17 °C bolady, ońtústikten 3–8 m/s jel soǵady. Shymkentte túnde +8…+10 °C, kúndiz +18…+20 °C kútiledi. Ońtústik-shyǵystan soǵatyn jeldiń jyldamdyǵy 8–13 m/s bolady.
Aqmola, Qostanai, Soltústik Qazaqstan jáne Pavlodar oblystarynyń kei jerinde tuman túsip, kóktaiǵaq bolady. Mańǵystaý oblysynyń batysynda, soltústiginde jáne ortalyǵynda mezgil-mezgil nóser jaýady. Túrkistan oblysynyń taýly jáne taý bókterindegi aýdandarynda jańbyr jaýyp, naizaǵai oinaidy. Kei óńirde jel ekpini 15–20 m/s-qa jetedi.