Қазақстан Тәуелсіздігіне 25 жыл

Liftini tepkilep syndyrǵan aqtóbelikterdiń úsheýi de ákimshilik qamaqqa alyndy

Liftini tepkilep syndyrǵan aqtóbelikterdiń úsheýi de ákimshilik qamaqqa alyndy
ashyq derekkóz

Aqtóbede kópqabatty úidiń liftin búldirgen úsh turǵyn jaýapqa tartyldy. Olardyń biri lift esigin aiaǵymen teýip, judyryqpen urǵan. Saldarynan esik maiysyp, lift isten shyqqan, dep habarlaidy ult.kz.

Oqiǵa kezinde lift ishinde bolǵan úsh jigittiń biri esikti birneshe ret tepkilep, judyryqtaǵan. Sonyń saldarynan esik durys jabylmai qalǵan. Qaýipsizdikke alańdaǵan turǵyndar liftini paidalanýdy toqtatýǵa májbúr bolǵan.

Politsiia beinebaqylaý kameralaryndaǵy jazbalardy zerdelep, quqyq buzýshylardyń jeke basyn anyqtady. Olar politsiia bólimine jetkizilgen.

Aqtóbe oblystyq Politsiia departamentiniń málimetinshe, liftini qasaqana búldirgen sol úidiń turǵyny Bekzat Quraqbaev bolyp shyqqan. Onymen birge bolǵan Azamat Torymov pen Salamat Joldybaiǵa da ákimshilik hattamalar toltyrylǵan.

«Úsheýine de qoǵamdyq orynda mas kúide júrý, tynyshtyqty buzý jáne usaq buzaqylyq jasaý derekteri boiynsha ákimshilik hattamalar toltyrylyp, sotqa joldandy. Sot sheshimimen quqyq buzýshylardyń úsheýi de ákimshilik qamaqqa alyndy. Lift esigin tepken azamat 10 táýlikke, qalǵan ekeýi 5 táýlikke qamaldy», – dep habarlady oblystyq PD baspasóz qyzmeti.

Óz kezeginde liftini búldirgen turǵyn mas kúide bolǵanyn aityp, jasaǵan áreketine ókinish bildirip, keshirim suraǵan.