Aqmola oblysynyń Shortandy aýdanynda júk poiyzy temirjol boiynda kele jatqan er adamdy qaǵyp ketti. Aýyr jaraqat alǵan azamat oqiǵa ornynda jan tapsyrdy, dep habarlaidy ult.kz.
Qaiǵyly jaǵdai 19 qarasha kúni kúndiz Shortandy men Damsa aýyldarynyń arasyndaǵy temirjol ýchaskesinde bolǵan.
Kóliktegi politsiia departamentiniń málimetinshe, osy oqiǵaǵa bailanysty Astana stantsiiasyndaǵy kóliktegi politsiia basqarmasy qylmystyq is qozǵaǵan.
«Qazir oqiǵanyń sebepteri men mán-jaiyn anyqtaý úshin qajetti tergeý amaldary júrgizilip jatyr. Qylmystyq-protsestik kodekstiń 201-babyna sáikes, ózge aqparat jariia etilmeidi», – delingen vedomstvo habarlamasynda.
Osy oraida Kóliktegi politsiia departamenti turǵyndarǵa temirjoldaǵy qaýipsizdik talaptaryn qatań saqtaýdy eskertti.