Қазақстан Тәуелсіздігіне 25 жыл

"Neke kýáligi bir japyraq qaǵaz ba?": Quralai hanym Qabatovtyń ekinshi áielin synady

"Neke kýáligi bir japyraq qaǵaz ba?": Quralai hanym Qabatovtyń ekinshi áielin synady
Foto-kollaj: ult.kz

Tanymal psiholog ári koých Quralai hanym ázilkesh Tursynbek Qabatovtyń ekinshi áieliniń neke kýáligine qatysty aitqan pikirine jaýap berdi. Ol nekeni "bir japyraq qaǵazǵa" teńeýdiń qoǵamǵa, ásirese jasóspirimderdiń túsinigine keri áser etýi múmkin ekenin aitty, dep habarlaidy ult.kz.

Quralai hanym áleýmettik jelidegi paraqshasynda bul máselege únsiz qala almaǵanyn jetkizdi. Onyń pikirinshe, kópshilikke tanymal adamdardyń jeke ómirine qatysty málimdemeleri jastardyń otbasy men nekege degen kózqarasyna yqpal etýi múmkin.

"Neke kýáligi jai ǵana bir japyraq qaǵaz ba? Bireýdiń tósegin ósek qylǵyń-aq kelmeidi, biraq ol ósek ósip kele jatqan jetkinshektiń oi-órisine, sosyn ómirine áser etetinin oilasaq, osy jolǵy ósekten ótip ketkim kelmedi", – dep jazdy ol.

Psiholog kei adamdardyń ótken ómirin ózgelerge jaqsy jaǵynan kórsetýge tyrysatynyn aityp, bul qubylysty psihologiiadaǵy "psevdologiia fantastika" uǵymymen bailanystyrdy. Onyń túsindirýinshe, mundai jaǵdaida adam shyndyq pen qiialdy aralastyryp, ózi týraly oqiǵalardy basqasha baiandaýǵa beiim bolady.

Quralai hanymnyń pikirinshe, qoǵam aldynda tanylǵan adamdardyń otbasylyq qundylyqtarǵa qatysty aitqan sózderi kópshilikke úlgi retinde qabyldanýy múmkin. Sondyqtan ol nekeniń mańyzyn tómendetetin pikirlerdi quptamaitynyn bildirdi.

"Juldyzdardyń "juldyz jubailary" osylai ótken ómirlerin jyltyr qylyp kórsetkisi kep, jyrlap otyrýy – endi bireýdiń ǵana sharýasy emes, endi bárimizdiń sharýamyz. "Bir japyraq qaǵazdy" qaǵaz kórmei, ersi qylyqqa ilesip, sol joldaǵylarmen tiresip, sosyn ómir boiy kúresip júrý – norma eken ǵoi degen oi búrshik atyp úlgergen shyǵar, kei sanada", – dedi ol.

Sonymen qatar koých áleýmettik jelilerde toqal bolýdyń artyqshylyqtaryn dáripteitin pikirlerdiń jii aitylatynyn synǵa aldy. Ol mundai taqyryptardyń qaita-qaita qozǵalýyna alańdaýshylyq bildirdi.

"Endi el umytty ma degende, nazardy ózine qaita burýda. Ózińiz oilai berińiz, osy ýaqyt ishinde talai boijetkenniń "uiat bolady" degen áreketten qansha ret attap úlgergenin", – dep jazdy psiholog.

Jazbasynyń sońynda Quralai hanym ózgelerge ózin aqtap kórsetýden góri, ár áreketke jaýapkershilikpen qaraýdyń mańyzdy ekenin meńzedi.

"Betiń kúlip tursa da, ishiń kúreń tartyp, jurtqa adal bolyp kóriný úshin myń árip jazyp, janyń shúberekke tyǵylǵansha, "aqyryn júrip, anyq basshy, sińilim", – dep túiindedi ol.

Koýchtyń jazbasy jeli qoldanýshylary arasynda talqylandy. Pikir qaldyrǵandardyń bir bóligi onyń ustanymyn qoldaǵan.

"50 jyl turamyz, endi estip jatyrmyz ǵoi. Sóitsek, tek ásheiin qaǵaz eken ǵoi. Osy ýaqytqa deiin joǵalyp qalmasyn dep júrsem", "Oryndy jazdyńyz", "Jaqsy jetkizdińiz", – dep jazdy jeli qoldanýshylary.