Қазақстан Тәуелсіздігіне 25 жыл

"Ótken ómir joq bizde": Dariǵa Badyqova jańa ómiri týraly aitty

"Ótken ómir joq bizde": Dariǵa Badyqova jańa ómiri týraly aitty
Foto-kollaj: videodan skrinshot/ JI arqyly óńdelgen

Tanymal aktrisa Dariǵa Badyqova ótken ómirine qaita oralǵysy kelmeitinin aityp, Oljas Abaimen qurǵan otbasyna qatysty oiyn bólisti. Bul týraly óner iesi "Feya Perizat" podkastynda aitty, dep habarlaidy ult.kz.

Aktrisanyń aitýynsha, eki adam bas qosyp, jańa ómir bastaǵannan keiin ótkendi qaita qozǵaýdyń qajeti joq. Ol qazir ómirindegi ózgeristerge qýanyp, bar nazaryn bolashaǵyna aýdarǵysy keletinin jetkizdi.

"Meniń túsinigimde, eki adam bas qosqannan keiin ótken ómir joq qoi endi. Sen jańa ómir bastadyń ǵoi. Endi jańa ómir bastap otyryp, ótken ómirdi bylyqtyryp ne kerek? Men jańa "Dariǵanyń" týǵanyna qýanyp júrmin. Eskimen qoshtasyp baryp jańa nárse bolady ǵoi negizi. Ótken ótkenimen boldy", – dedi aktrisa.

Dariǵa Badyqova basynan ótken jaǵdailardy qaita-qaita eske alyp, ýaiymǵa salynýdy qalamaitynyn da jasyrmady. Onyń sózinshe, Oljas Abai ekeýiniń qarym-qatynasy bir kúnde bastalmaǵan. Olar áýeli kino túsiriliminde tanysyp, áriptes retinde aralasqan.

"Jalpy, tek alǵa ǵana júrgen unaidy maǵan. Qara aspandy tóndirip, qasiret shegip, ótkendi aityp... Boldy, ol endi joq. Birshama jyl boldy ǵoi, keshe ǵana bolǵan joq. Bizdiń eń birinshi kinoda toǵysýymyz, áriptes bolýymyz. Sol nárselerden bastalǵan dúnie. Sol sebepti endi bas qosyp otyrǵannan keiin ótken ómir joq bizde. Óz jeke basym", – dep túiindedi ol.

Osylaisha aktrisa qazirgi ómirinde ótkenge emes, aldaǵy kúnderge kóńil bólýdi jón kóretinin ańǵartty.

Aita keteiik, podkast barysynda Dariǵa Badyqova men Oljas Abai toilarynyń qalai ótkenin, bal aiyndaǵy qyzyqty sátterin de áńgimeledi. Sonymen qatar óner ieleri aldaǵy shyǵarmashylyq josparlarymen bólisti.