Қазақстан Тәуелсіздігіне 25 жыл

Bektenov Aqtóbedegi munai jabdyqtary men jún óńdeý zaýyttaryn aralady

Bektenov Aqtóbedegi munai jabdyqtary men jún óńdeý zaýyttaryn aralady

Aqtóbe oblysynda Qazaqstan Respýblikasynyń Premer-ministri Oljas Bektenov Qazaqstandyq munai jabdyqtary zaýyty men júndi tereń óńdeitin KazFeltec kásipornyn mysal ete otyryp, Memleket basshysy Qasym-Jomart Toqaevtyń óńdeý ónerkásibin damytý jónindegi tapsyrmalarynyń oryndalý barysymen tanysty, dep habarlaidy Ult.kz.

Otandyq óndiristi keńeitýge, qosylǵan quny joǵary ónim úlesin arttyrýǵa nazar aýdaryldy.

Óńirdegi investitsiialyq jobalardy júzege asyrý týraly Aqtóbe oblysy ákiminiń orynbasary Abzal Ábdikárimov baiandady. 10 aida negizgi kapitalǵa salynǵan investitsiialar 1 trln teńgeden asyp, 8,2%-ǵa ósti. Tikelei sheteldik investitsiialar eki esege – $357,2 mln-ǵa deiin ósti. Óńirde energetika, mashina jasaý, tamaq ónerkásibi jáne taǵy da basqa salalardaǵy jobalar júzege asyrylýda. Sondai-aq 400 mlrd teńge investitsiia tartýǵa jáne 1,5 myńnan astam jumys ornyn qurýǵa múmkindik beretin arnaiy ekonomikalyq aimaq qurý pysyqtalýda.

Aqtóbe qalasynda Premer-ministr «Qazaqstandyq munai jabdyqtary zaýyty» JShS-nyń óndiristik tsehtaryn aralap kórdi. Kásiporyndy damytýǵa 7,4 mlrd teńge investitsiialanǵan. Jylyna 100-120 myń tonna ónim óndiretin zaýyt sorǵy-kompressorlyq jáne shegendeý qubyrlaryn, burqaq armatýrasyn, ysyrmalar, jylý almastyrǵyshtar jáne basqa da munai-gaz jabdyqtaryn shyǵarady. Osy jyldyń toǵyz aiynda shegendeý qubyrlaryn shyǵarý 31,4%-ǵa, iaǵni 14,1 myń tonnaǵa, basqa da munai kásipshiligi jabdyqtaryn shyǵarý 7,4 myń tonnaǵa deiin ósti (2025 jyldyń uqsas kezeńinde – 179 tonna). Ónimder ishki naryqqa baǵyttalǵan jáne importty almastyrýǵa yqpal etedi. 

Úkimet jetekshisine orta jáne joǵary qysymdy klapandar men ysyrmalar shyǵaratyn tórtinshi tseh salý qarastyrylǵan óndiristi keńeitý jónindegi josparlar týraly baiandaldy. Investitsiia kólemi – 700 mln teńge, iske qosý 2027 jylǵa josparlanǵan. Odan bólek, 2 mlrd teńge investitsiia kózdelgen quiý ádisimen metall daiyndamalar men bólshekter óndirý zaýytynyń jobasy pysyqtalýda.

Oljas Bektenov sondai-aq «KazFeltec» JShS-nyń júndi tereń óńdeý jáne toqyma emes materialdar óndirisiniń tehnologiialyq protsesimen tanysty. Zaýyt direktory Erlan Jańabergenov joba 2025 jyly jeke investitsiialar men Ónerkásipti damytý qorynyń qoldaý esebinen júzege asyrylǵanyn baiandady. Salynǵan qarajattyń jalpy kólemi 5,3 mlrd teńgeni quraǵan. Kásiporynda 2,2 myń tonnaǵa deiin daiyn ónim shyǵarý úshin jylyna 3,6 myń tonnaǵa deiin jún óńdeýge múmkindik beretin italiialyq CORMATEX kompaniiasynyń jabdyǵy ornatylǵan. 50 jumys orny quryldy.

Zaýyt qurylysta, jihaz jasaý jáne taǵy da basqa salalarda qoldanylatyn tabiǵi qoi júninen jasalǵan jylý jáne dybys oqshaýlaǵysh materialdar shyǵarady. Búginde kásiporyn shikizatty Aqtóbe, Atyraý, Batys Qazaqstan jáne Jambyl oblystarynyń sharýa qojalyqtarynan satyp alyp otyr, bul aýyl turǵyndaryna ónimin ótkizetinine kepildik berip, tabyspen qamtamasyz etedi. Qazirgi ýaqytta ónim ishki naryqta satylýda, bolashaqta eksportqa shyǵý qarastyrylǵan.

Premer-ministr Oljas Bektenov Aqtóbe oblysynyń ákimdigine salalyq memlekettik organdarmen birlesip, otandyq óndiristi keńeitýge, shikizatty qaita óńdeýdi tereńdetýge jáne jańa jumys oryndaryn qurýǵa baǵyttalǵan investitsiialyq jobalardyń ýaqtyly júzege asyrylýyn qamtamasyz etýdi, investorlarǵa qajetti járdem kórsetýdi jáne óndiristik qýattardy iske qosý merzimderin saqtaýdy tapsyrdy. 

Jalpy, Ónerkásip jáne qurylys ministrliginiń derekteri boiynsha óńdeý ónerkásibin damytý jańa óndiristerdi iske qosý jáne otandyq ónim nomenklatýrasyn keńeitýmen qatar júrýde. Osy jyldyń 10 aiynda óndiris kólemi 9,3%-ǵa ósti. Jyl basynan beri 900 mlrd teńgege 125 joba iske qosyldy. Shikizatty qaita óńdeýdi tereńdetýge, avtomobil jáne temirjol mashinalaryn jasaýdy damytýǵa, sondai-aq salalyq klasterlerdi qalyptastyrýǵa erekshe nazar aýdarylady.