Қазақстан Тәуелсіздігіне 25 жыл

Jol sapasy jáne tranzittik áleýet: Oljas Bektenov «Aqtóbe – Qarabutaq – Ulǵaisyn» avtojolyn rekonstrýktsiialaý jumystarymen tanysty

Jol sapasy jáne tranzittik áleýet: Oljas Bektenov «Aqtóbe – Qarabutaq – Ulǵaisyn» avtojolyn rekonstrýktsiialaý jumystarymen tanysty

Premer-ministr Oljas Bektenov Aqtóbe oblysyna jumys sapary aiasynda «Batys Eýropa – Batys Qytai» halyqaralyq kólik dálizin damytýda strategiialyq mańyzy bar «Aqtóbe – Qarabutaq – Ulǵaisyn» avtojolyn rekonstrýktsiialaý jumystarynyń barysymen tanysty, dep habarlaidy Ult.kz.

Uzyndyǵy 262 shaqyrymdy quraityn joba Memleket basshysynyń «Jańa tarihi kezeńdegi Qazaqstannyń ózekti mindetteri» atty Qazaqstan halqyna Joldaýynda aiqyndalǵan kólik-logistika infraqurylymyn damytý jáne elimizdiń tranzittik áleýetin nyǵaitý jónindegi tapsyrmalaryn oryndaý aiasynda júzege asyrylýda.

«QazAvtoJol» UK» AQ basqarma tóraǵasy Darhan Imanashevtiń málimetinshe, qazirgi tańda joldyń 28 shaqyrymynda qurylys jumystary tolyq aiaqtalyp, paidalanýǵa berilgen. Jobanyń jalpy quny – 496,3 mlrd teńge. Nysannyń paidalanýǵa berilýi joldyń ótkizý qabiletin arttyryp, qozǵalys qaýipsizdigin qamtamasyz etýge, júk pen jolaýshy tasymalyna ketetin ýaqytty qysqartýǵa, sondai-aq óńirdiń tranzittik áleýetin nyǵaitýǵa múmkindik beredi.

Aqtóbe oblysy ákiminiń orynbasary Asylbek Esenbaev jergilikti mańyzy bar avtomobil joldaryn damytý jáne jóndeý baǵytynda atqarylyp jatqan jumystar, sondai-aq jol jumystary men paidalanylatyn materialdardyń sapasyn jaqsartý boiynsha qabyldanyp jatqan sharalar týraly baiandady. 2024 jyly aimaqta aýqymdy jol qurylysy jumystary bastaldy. 2024–2026 jyldary osy maqsattarǵa 109 mlrd teńge bólinip, jergilikti mańyzy bar 956 shaqyrym jol jóndeýden ótti.

Jol qurylysy jumystary men paidalanylatyn materialdardyń sapasyna, sondai-aq aýyr júk kólikteriniń qozǵalysyn baqylaýǵa erekshe nazar aýdaryldy. 2026 jyldyń 10 aiynda 1,2 myńnan astam jol-qurylys materialy synamasynyń 11%-y belgilengen talaptarǵa sáikes kelmegen. Premer-ministrge jol jabynyn saqtaý úshin salmaqtyq baqylaý kúsheitilgeni baiandaldy. Atap aitqanda, osy kezeńde shamamen 4,3 myń zańbuzýshylyq anyqtalǵan. Bul ótken jyldyń sáikes kezeńimen salystyrǵanda 20%-ǵa artyq.

Jalpy, oblys boiynsha uzyndyǵy 1,8 myń shaqyrymnan asatyn avtomobil joldaryn salý, rekonstrýktsiialaý jáne jóndeý jobalary júzege asyrylýda. Onyń ishinde 865 shaqyrym jol rekonstrýktsiialaýǵa, shamamen 293,5 shaqyrymy kúrdeli jáne ortasha jóndeýge tiesili. Iri jobalar qatarynda uzyndyǵy 262 shaqyrym bolatyn «Aqtóbe – Ulǵaisyn», 41 shaqyrymdyq «Ortalyq – Batys» (Astana – Yrǵyz), 245 shaqyrymdyq «Beineý – Sekseýil» jáne 215 shaqyrymdyq «Ulǵaisyn – Sekseýil» avtojoldary bar. Atalǵan jobalardy 2029 jylǵa deiin aiaqtaý josparlanǵan. Sonymen qatar «Aqtóbe – Orynbor», «Aqtóbe – Orsk», «Samara – Shymkent» jáne «Qarabutaq – Qostanai» baǵyttaryndaǵy joldardy jóndeý jumystary jalǵasýda. Qazirgi tańda oblystaǵy joldardyń normativtik talaptarǵa sai jaǵdaidaǵy úlesi 78%-dan 84%-ǵa deiin ósken. 2029 jylǵa deiin taǵy 1,5 myń shaqyrym joldy jóndep, normativtik jaǵdaidaǵy joldardyń úlesin 95%-ǵa jetkizý kózdelip otyr.

Premer-ministr avtomobil jolyn rekonstrýktsiialaý jumystarynyń belgilengen merzimde aiaqtalýyn qamtamasyz etýdi, qurylys jumystary men qoldanylatyn materialdardyń sapasyna, sondai-aq biýdjet qarajatynyń tiimdi jumsalýyna baqylaýdy kúsheitýdi tapsyrdy. Jol qozǵalysy qaýipsizdigin qamtamasyz etý, jol boiyndaǵy infraqurylymdy ýaqtyly retke keltirip, jol qozǵalysyna qatysýshylarǵa qolaily jaǵdai jasaý máselelerine basa mán berildi. Jobany bekitilgen kestege sáikes aiaqtaý úshin jaýapty memlekettik organdar men merdiger uiymdardyń jumysyn úilestirý qajettigi atap ótildi.