Қазақстан Тәуелсіздігіне 25 жыл

«Qazaqmys» taý-ken tehnikasyn jańartýǵa 6,7 mlrd teńge bóldi

«Qazaqmys» taý-ken tehnikasyn jańartýǵa 6,7 mlrd teńge bóldi

«Qazaqmys» toby jyl basynan beri kenishterine tórt jańa burǵylaý qondyrǵysyn jetkizdi. 2027 jyldyń sońyna deiin taǵy 21 qondyrǵy satyp alý josparlanǵan, dep habarlaidy Ult.kz.

Jańa tehnika «Jomart», «Jylandy», «Nurqazǵan» jáne «Batys» kenishterine berildi. Kásiporyndardyń jabdyq parki Epiroc Boomer M1 D, Sandvik DL431, DL-421 jáne Sandvik DS 511 markaly burǵylaý qondyrǵylarymen tolyqty.

Tehnikany jańartý baǵdarlamasy jańa jabdyq satyp alýmen shektelmeidi. Kompaniia qoldanystaǵy taý-ken shahta tehnikasyn jóndeý jáne qalpyna keltirý jumystaryn da júrgizip jatyr. Bul maqsatqa 6,7 mlrd teńge qarastyrylǵan.

Jyl basynan beri 346 birlik tehnikaǵa aǵymdaǵy jóndeý jasaldy. Onyń 277-si Jezqazǵan óńirinde, 31-i Qaraǵandy óńirinde, 38-i Balqash óńirinde jóndeldi.

Budan bólek, taý-ken mashinalarynyń negizgi toraptary men agregattaryn qalpyna keltirý jáne aýystyrý jumystary júrgizilýde. Qazirdiń ózinde 206 torap boiynsha jumys oryndalǵan. Jyl sońyna deiin taǵy 96-ǵa jýyq torapty qalpyna keltirý nemese aýystyrý kózdelgen.

Jóndeý jumystary burǵylaý qondyrǵylaryn, tieý-jetkizý mashinalaryn, júk kólikterin jáne Caterpillar, Sandvik, Epiroc markaly ózge de taý-ken tehnikasyn qamtidy. Jyl basynan beri eki burǵylaý karetasy qalpyna keltirilgen. Olar – Ońtústik Jezqazǵan kenishine arnalǵan Epiroc Boomer M1 D jáne «Jomart» kenishine arnalǵan Epiroc L2D qondyrǵylary.

Aldaǵy ýaqytta burǵylaý jáne ankerleý qondyrǵylaryn, tieý-jetkizý mashinalaryn, júk kólikteri men basqa da qosalqy tehnikalardy jetkizý josparlanyp otyr.

Kompaniianyń málimetinshe, jabdyqtardy jańartý men jóndeý jumystary tehnikanyń jospardan tys toqtap qalý qaýpin azaityp, óndiristik bólimshelerdiń turaqty jumysyn qamtamasyz etýge baǵyttalǵan.