Memleket basshysynyń tapsyrmasyna sáikes Shymkentte Mádeniet jáne óner ulttyq ýniversiteti qurylady. Qazaqstan Respýblikasynyń Premer-Ministri Oljas Bektenov tiisti Úkimet qaýlysyna qol qoidy, dep habarlaidy ult.kz.
Jańa joǵary oqý orny Muhtar Áýezov atyndaǵy Ońtústik Qazaqstan zertteý ýniversitetiniń mádeniet jáne óner fakýlteti negizinde ashylady. Munda bakalavriat, magistratýra jáne doktorantýra baǵdarlamalary boiynsha mamandar daiarlanady.
Mamandar daiarlaýda kino jáne dramatýrgiia, kino jáne teledidar rejissýrasy, grafika men mýltimedia, mediamenedjment, operatorlyq óner jáne dybys rejissýrasy siiaqty suranysqa ie shyǵarmashylyq baǵyttarǵa basymdyq beriledi.
Ýniversitetke erekshe mártebe beriledi. Bul oqý ornyna zamanaýi bilim berý baǵdarlamalaryn engizýge, halyqaralyq jobalarǵa qatysýǵa jáne bilim, ǵylym, mádeniet pen kreativti indýstriialar salasyndaǵy yntymaqtastyqty damytýǵa keń múmkindik ashady.