Qasym-Jomart Toqaev kezdesý barysynda ortaq tarihqa, tatý kórshilikke, sondai-aq qos halyq arasyndaǵy ózara qurmet pen berik bailanysqa negizdelgen Qazaqstan-Resei qarym-qatynasynyń airyqsha sipatyna nazar aýdardy, dep habarlaidy ult.kz.
Prezidenttiń aitýynsha, memleketaralyq qatynastardyń jan-jaqty strategiialyq seriktestik jáne odaqtastyq deńgeiine kóterilýi barlyq baǵyttaǵy, sonyń ishinde quqyq salasyndaǵy yqpaldastyqtyń da dáiekti túrde damyp kele jatqanyn kórsetedi.
Qasym-Jomart Toqaev elimizdiń búkil memlekettik-quqyqtyq júiesin jańǵyrtýǵa baǵyttalǵan aýqymdy saiasi reformalarǵa toqtaldy.
Óz kezeginde Resei Joǵarǵy sotynyń tóraǵasy Qazaqstan sotymen belsendi yqpaldastyq jolǵa qoiylǵanyn jetkizdi.
Atap aitqanda, tarihta tuńǵysh ret eki eldiń joǵary sot instantsiialary arasynda yntymaqtastyq týraly kelisimge qol qoiyldy. Bul qujat kásibi dialogqa, sot tóreligin tsifrlandyrýǵa jáne jasandy intellektini qoldanysqa engizýge negiz bolady.
Sonymen qatar Igor Krasnov ǵylym jáne bilim berý salalarynda, ásirese, biliktilikti arttyrý jáne sot qyzmetkerleriniń tsifrlyq daǵdylaryn damytý baǵytynda seriktestik aiasyn keńeitýge múddeli ekenin rastady.