Қазақстан Тәуелсіздігіне 25 жыл

“17 jyl kúttim ǵoi”: Jahan Otarǵaliev jan tebirenterlik jazba jariialady

“17 jyl kúttim ǵoi”: Jahan Otarǵaliev jan tebirenterlik jazba jariialady
Foto: Neirojeli arqyly jasaldy

Tanymal ázilkesh ári bloger Jahan Otarǵaliev áleýmettik jelide kópshiliktiń kóńilin bosatqan beinejazba jariialap, basynan ótken aýyr kezeń týraly aitty, dep habarlaidy ult.kz.

Óner iesi 17 jyl boiy áke atanýdy armandaǵanyn jetkizdi. Uzaq kútken qýanyshy oryndalyp, sábi súietini týraly habardy estigenimen, bul baqyt nebári eki aiǵa ǵana sozylǵan.

«17 jyl kúttim ǵoi men», – degen ázilkesh kópten kútken úmitiniń aqtalmaǵanyna qynjylysyn bildirdi.

Soǵan qaramastan Jahan Otarǵaliev qiyndyqqa moiymaitynyn, aldaǵy kúnderden jaqsylyq kútetinin jáne Alladan úmitin úzbeitinin aitty.

Jelide jariialanǵan áserli beinejazba kópshiliktiń nazaryn aýdardy.

Aita keteiik, Muhtar Niiazovtyń jazbasy eldi jylatty. 

Jahan Otarǵaliev kim?

Jahan Otarǵaliev – qazaqstandyq ázilkesh, akter, prodiýser ári bloger. Ol otandyq oiyn-saýyq salasynda tanylyp, ázil-syqaq jobalary men áleýmettik jelidegi beinejazbalary arqyly kópshilikke belgili boldy.

Óner iesi shyǵarmashylyq jolyn ázil salasynan bastap, keiin kino jáne prodiýserlik baǵytta da eńbek etti. Jahan Otarǵaliev áleýmettik jelide jeke ómiri, otbasy, shyǵarmashylyǵy jáne qoǵamdaǵy túrli máseleler týraly jazbalar jariialap turady.

Jahan Otarǵaliev Oral qalasynyń týmasy. Ol Qazaqstan innovatsiialyq jáne telekommýnikatsiialyq júieler ýniversitetinde bilim alǵan. Óner jolynda KVN oinap, keiin “Bazar joq” ázil-syqaq teatrynda avtor ári stsenarist bolyp jumys istegen.

Kórermen ony “Qazaqsha biznes Túrkiiada”, “Djohan”, “Djohan 2” jáne “Jol” filmderi arqyly da tanidy. Ol birneshe kinotýyndynyń prodiýseri bolǵan. 

Jeke ómirine kelsek, Jahan Otarǵaliev 2019 jyly ánshi Baljan Bidashpen shańyraq kótergen. Alaida 2023 jyly ekeýi ajyrasqan. 2025 jyly óner iesi ekinshi ret úilengenin jariialady. 

2026 jyly ázilkesh 17 jyldan beri áke atanýdy armandap júrgenin aityp, osy taqyrypty arqaý etken film túsirýdi josparlaǵanyn málimdedi.