Қазақстан Тәуелсіздігіне 25 жыл

“Endi ekeýi de joq”: Muhtar Niiazovtyń jazbasy eldi jylatty

“Endi ekeýi de joq”: Muhtar Niiazovtyń jazbasy eldi jylatty
Foto: Neirojeli arqyly jasaldy

Belgili aitysker aqyn Muhtar Niiazov áleýmettik jelidegi paraqshasynda Ásiia Berkenovany eske alyp, onymen bailanysty esteligin bólisti, dep habarlaidy ult.kz.

Aqyn marqummen birge túsken eski sýretin jariialap, onyń erekshe meiirimdi, baýyrmal jan bolǵanyn jazdy.

“Tailaq, keldiń be, sen nege meni qushaqtamaisyń, saǵynbaǵansyń ba, al men senderdi kúnde saǵynamyn”. Ásiia apaidan eń kóp estigen sózim. Myna sýrette de qushaqtap túsippin. Rýshyl, jershil adam emes. Biraq úidegi aǵamyz rý jaǵynan meniń aǵam. “Qarabýra atańnyń urpaǵysyń ǵoi, sondyqtan seni tailaq dep ataimyn” deitin”, – dep jazdy Muhtar Niiazov.

Aitysker aqyn jazbasynda Ásiia Berkenova men Áselhan Qalybekovanyń bir jylda, bir kúnde dúniege kelgenin de atap ótti. Ol eki aqynnyń da ómirden ótkenine qynjylysyn bildirdi.

“Áselhan apai ekeýi dúniege bir jylda, bir kúnde kelgen. Endi ekeýi de joq. Qostanaiǵa tek toiǵa baratyn edik. Ótkende Saltanat, endi Ásiia apai. Qostanaiǵa ǵana emes, tutas halyqqa kóńil aitatyn qaza osy shyǵar. “Halyq aqyny” dep tanystyrǵanda erekshe nurlanyp ketetin edi ǵoi. Imanyńyz joldas bolsyn, apai!” – dedi ol.

Aqynnyń jazbasyna óner ókilderi de pikir qaldyrǵan. Atap aitqanda, ánshi Erkin Nurjanov “Alla aldynan jarylqasyn” dep kóńil aitty.

Aita keteiik, 

Muhtar Niiazov kim? 
 

Muhtar Máýlenuly Niiazov – belgili qazaqstandyq aitysker aqyn, úsh dúrkin "Altyn dombyra" iegeri, Qyzylorda qalasynyń qurmetti azamaty.

1985 jyly 4 qarashada Qyzylorda oblysynyń Jalaǵash aýdanynda dúniege kelgen. Qorqyt Ata atyndaǵy Qyzylorda memlekettik ýniversitetin támamdaǵan. Keiin L.N. Gýmilev atyndaǵy Eýraziia ulttyq ýniversitetinde magistr dárejesin alǵan.

Ol respýblikalyq jáne halyqaralyq aitystarda birneshe ret bas júlde jeńip alǵan. Mádeniet salasynda túrli qyzmet atqaryp, 2022 jyly Nartai Bekejanov atyndaǵy Qyzylorda oblystyq qazaq akademiialyq mýzykalyq drama teatrynyń direktory bolyp taǵaiyndalǵan.