Қазақстан Тәуелсіздігіне 25 жыл

«Ákem ony súigen joq»: Asqar Súleimenovtiń qyzy Áliia Bópejanova týraly aitty

«Ákem ony súigen joq»: Asqar Súleimenovtiń qyzy Áliia Bópejanova týraly aitty
ashyq derekkóz

Qazaqtyń kórnekti jazýshysy Asqar Súleimenovtiń qyzy Qarakóz Súleimenova ákesiniń ádebiettanýshy, synshy Áliia Bópejanovamen qarym-qatynasy týraly suhbat berdi. Janar Baisemiz YouTube arnasyna bergen suhbatynda ol ákesi men Áliia Bópejanovanyń qalai tanysqanyn, keiin zańdy nekege turýyna ne sebep bolǵanyn baiandady, dep habarlaidy ult.kz.

Qarakóz Súleimenovanyń aitýynsha, Áliia Bópejanova ózin jazýshynyń jary dep ataǵanymen, bastapqyda olardyń qarym-qatynasy ózgeshe bolǵan.

«Áliia Bópejanova "Men jazýshynyń zaiybymyn, jarymyn" deidi ǵoi, biraq aqiqatynda olai emes. Ol kisige shákirt siiaqty bolyp júretin. Keletin, áńgimesin tyńdaityn, interviýyn alatyn. Keide úide qonyp qalatyn», – deidi ol.

Sondai-aq Qarakóz Súleimenova Áliia Bópejanovanyń ákesinen bala súigen kezeńin eske aldy. Onyń sózinshe, jazýshy qyzy dúniege kelgende aýrýhanaǵa barmaǵan. Al balanyń týý týraly kýáligin rásimdeý kezinde tegi máselesi týyndaǵan.

«Familiiańyzdy beresiz be?» dep suraǵanda, ákem «Bere­min» degen. Biraq bala úsh aiǵa deiin týý týraly kýáligin ala almaǵan. Keiin Áliia Bópejanova zańdy nekede bolmasa, jazýshynyń tegin bere almaitynyn aitqan.

Qarakózdiń aitýynsha, Asqar Súleimenov bastapqyda AHAJ bólimine barýǵa qulyq tanytpaǵan. Alaida balasyna tegin berý úshin ǵana zańdy nekege turýǵa kelisken.

Jazýshynyń qyzy bul oqiǵaǵa qatysty óz kózqarasyn da jasyrmady. Onyń pikirinshe, bir shańyraq astynda bir kún de turmaǵan adamdardyń nekesin rastaityn qujattyń ózi eshteńeni bildirmeidi.

«Bir shańyraqta bir kún turmasa, ol ZAGS men úshin qur qaǵaz. Nege deisiz ǵoi? Ákem ony alyp kelip, ákelmese de shaqyryp, basyna oramal salyńdar degeni júz túrli, myń túrli ZAGS-tan artyq bolatyn dúnie», – dedi Qarakóz Súleimenova.

Ol sondai-aq Áliia Bópejanovanyń jazýshyny qatty súigenin, al ákesiniń oǵan dál sondai sezimmen qaramaǵanyn aitty. Alaida bul qarym-qatynastyń qalai órbigenin otbasy músheleri óz kózderimen kórgenin jetkizdi.