Қазақстан Тәуелсіздігіне 25 жыл

"Eshkimniń toqaly emespin": Tursynbek Qabatovtyń jary málimdeme jasady

"Eshkimniń toqaly emespin": Tursynbek Qabatovtyń jary málimdeme jasady
Foto-kollaj: ult.kz

Tanymal ázilkesh Tursynbek Qabatovtyń ekinshi jary retinde tanylǵan Aiman áleýmettik jelide otbasylyq jaǵdaiyna qatysty jazbalar jariialady. Ol óziniń eshqashan kóńildes nemese toqal bolmaǵanyn aityp, nekesiniń zańdylyǵy týraly sóz qozǵady, dep habarlaidy ult.kz.

Aiman Instagram jelisindegi paraqshasynda jeke ómirine qatysty aitylyp júrgen pikirlerge jaýap berdi. Ol Tursynbek Qabatovpen musylmandyq jolmen nekeleskenin alǵa tartyp, ózin toqal dep ataityndarǵa qarsylyq bildirdi.

"Eshqashan eshkimniń liýbovnitsasy da, toqaly da bolǵan emespin. Birinshi kúnnen Alla aldynda meshitke baryp nekelesken, musylmandyq jolymen, shariǵat jolymen nekelesken nekem bar. Meniń de, onyń da bir-aq ret. Úkimettiń bir paraǵyna máz bolyp júrgende, ózińniń zina jasap júrgenińnen habardar bol", – dep jazdy ol.

Jazbasynda Aiman dini nekeni mańyzdy sanaitynyn bildirip, óziniń ustanymynan bas tartpaitynyn jetkizdi.

"Alda ne bolatynyn da bilmeimin, Qudai emespin. Qaisyń ne deseń de, qalai qarasań da, Qudai qalasa, jer turǵansha turatynym anyq!" – dedi ol.

Kelesi jazbalarynyń birinde Tursynbek Qabatovtyń burynǵy otbasyna qatysty da pikir bildirdi.

"Tursynbek qai úide bolsa da, eki otbasynyń aldyndaǵy mindetterin shektep, azaityp, qaraýsyz, suraýsyz qaldyrǵan emes eshqashan. Qolynan kelse 8 balany asyrap, jaqsy mektepterde oqytyp, jaqsy kiindirip, bar jaǵdaiyn jasaidy", – dedi Aiman.

Ol sondai-aq ár adamnyń baqytqa degen kózqarasy ártúrli ekenin aityp, ózgeniń ómirine syrttai baǵa bermeýge shaqyrdy.

"Baqytty tek ajyrasqan, ajyraspaǵan degen teńeýmen ólshemeńizder. Sonda ǵana baqyttymyn dep oilamańyzdar. Pokazýhamen ómir súrip, ózin tunshyqtyryp júrgender qanshama", – dep jazdy ol.

Taǵy bir jazbasynda Aiman eki áieldiń de otbasylyq ómirge óz úmitimen kelgenin aityp, bul jaǵdaiǵa birjaqty qaramaýǵa shaqyrdy.

"Eki áiel de súidi, ekeýi de sendi, úmittendi, árqaisysynyń óz túsinigine kórer joly boldy. Bireý jeńdi, bireý jeńildi degen joq. Alla ár tarapqa ózinshe synaqtarmen qatar qaiyryn berdi", – dedi.

Onyń aitýynsha, otbasyndaǵy qarym-qatynasty tek zańdy neke týraly qujatpen ólsheý durys emes.

"Al "men áielimin" dep, biraq áiel degen atynan aýytqyp ketken áielder kóp, sharshap júrgen, zańdy áielmin deidi, biraq ómirde seneri bir paraq qaǵaz. Aralarynda sezim de, maqsat ta, jetistik te joq. Men sony astarlap aitqan edim. Jalma-jan tredske salyp, tek basqasha túsinip, odan ári byqsyp jatyr ekensizder", – dep jazdy Aiman.

Ol óziniń jeke ómirine qatysty aitylǵan syndarǵa qaramastan, tańdaýy men ustanymyn ózgertpeitinin jetkizdi. Sondai-aq aldaǵy ýaqytta da otbasyna qatysty sheshimderin ózi qabyldaitynyn ańǵartty.

Aita keteiik, ázilkesh Tursynbek Qabatovtyń otbasylyq ómiri buǵan deiin de áleýmettik jelide qyzý talqylanǵan. Onyń burynǵy jary Móldir Muqanova men Aimanǵa qatysty pikirler kópshiliktiń nazaryn aýdaryp keledi.

Ázirge Tursynbek Qabatov pen Móldir Muqanovanyń atalǵan jazbalarǵa qatysty jaýaby týraly málimet joq. Aimannyń jazbasyndaǵy jeke sipattaǵy aiyptaýlar táýelsiz túrde rastalmaǵan.