Belgili ánshi Meirambek Besbaevtyń jary Marhabat Besbaeva tanymal óner adamynyń jubaiy bolýdyń qiyndyǵy týraly aitty, dep habarlaidy ult.kz.
Marhabat Besbaeva Instagram jelisindegi paraqshasynda oqyrmandarynyń suraqtaryna jaýap bergen. Jeli qoldanýshylarynyń biri odan “Tanymal adamnyń jary bolý qiyn ba?” dep suraǵan.
Ánshiniń jary kópshilikke belgili adamnyń janynda júrýdiń ózindik jaýapkershiligi bar ekenin jasyrmaǵan.
“Tanymal adamnyń jary bolý ońai emes. Onyń óz jaýapkershiligi, saǵynyshy men sabyry bar. Biraq men úshin eń bastysy onyń tanymaldyǵy emes, júregime jaqyn adam bolǵany”, – dep jazdy Marhabat Besbaeva.
Ol kúieýin elge tanymal ánshi retinde ǵana emes, eń aldymen ómirlik serigi retinde baǵalaitynyn jetkizdi.
“Sahnada ol halyqtyń súiiktisi, al men úshin ómirlik serigim, súiikti jarym. Onyń jetistigi meniń maqtanyshym”, – dedi ol.
Aita keteiik, Meirambek Besbaev aýktsionǵa qoiylǵan dombyrasyna qatysty pikir bildirdi.
Meirambek Bespaev kim?
Meirambek Besbaev – qazaqstandyq tanymal ánshi, Qazaqstannyń eńbek sińirgen qairatkeri, “MýzART” tobynyń múshesi. Ol 1976 jyly 8 qarashada Jambyl oblysy Talas aýdanynda dúniege kelgen.

Óner iesi “Boztorǵai”, “Seniń kóziń”, “Asyl ana” syndy ánderi arqyly kópshilikke keńinen tanyldy.

Qazaq estradasynda ózindik orny bar ánshi uzaq jyldar boiy jeke shyǵarmashylyǵymen de, “MýzART” tobymen de tyńdarman yqylasyna bólenip keledi. Jubaiy Marhabat Besbaevamen birge úsh bala tárbielep otyr.