Қазақстан Тәуелсіздігіне 25 жыл

"Kózińniń tirisinde jazyp qoi": Baqyt Turman elge erekshe keńes berdi

"Kózińniń tirisinde jazyp qoi": Baqyt Turman elge erekshe keńes berdi
Foto-kollaj: videodan skrinshot/ JI arqyly óńdelgen

Tanymal ázilkesh Qairat Ádilgereidiń jubaiy Baqyt Turman ómirdiń ótkinshiligi men adam artynda qaldyratyn mura týraly oi bólisti. Ol ár adam kózi tirisinde dúnie-múlkiniń kimge qalatynyn anyqtap qoiǵany durys dep esepteidi, dep habarlaidy ult.kz.

Baqyt Turman "Ne deidi" baǵdarlamasyna bergen suhbatynda kópshilik aita bermeitin ólim taqyrybyn qozǵady. Onyń pikirinshe, adam ómirden ótetinin moiyndap, artynda qalatyn dúniesiniń taǵdyryn aldyn ala oilastyrǵany jón.

"Baryńdy qazir, kózińniń tirisinde jazyp qoi. Biraq ol qai kezde iske asady? Sen ólgennen keiin. Ol rasymen solai ǵoi", – dedi ol.

Ázilkeshtiń jubaiy eshkimniń qansha ómir súretinin bilmeitinin aityp, mundai máselege qorqynyshpen emes, shynaiy kózqaraspen qaraýǵa shaqyrdy.

"Biz bárimiz de ólemiz. Onyń qashan bolaryn eshkim bilmeidi. Jastar da, úlkender de eshkimniń ómirinde kepil joq qoi. Sondyqtan da maǵan osyndai oi keldi. Qazir ne bar sende sony jazyp qoiýyń kerek. Aiaqasty birdeme bolyp, ólip ketseń degendei. Ondai nárseden qoryqpaý kerek. Oǵan shynaiy kózqaraspen qaraý kerek", – dedi Baqyt Turman.

Ol mura qaldyrý úshin mindetti túrde bai bolýdyń qajeti joq ekenin de atap ótti. Aitýynsha, adamnyń artynda qalatyn dúniesi qanshalyqty qymbat nemese arzan bolsa da, onyń keiingi taǵdyryn aldyn ala sheship qoiǵan durys.

"Men ómirge shynaiy qaraimyn. Artyńda qalǵan dúnie ne bolsa da, shirigen úiiń, mototsikl qalsa da ony mura retinde qaldyrýyń kerek", – dep túiindedi ol.

Osylaisha Baqyt Turman mura máselesin tek qartaiǵan kezde oilanatyn sharýa dep qaramaýǵa shaqyrdy. Onyń sózinshe, ómirde kútpegen jaǵdailar bolýy múmkin, sondyqtan adam ózinen keiin qalatyn dúniege qatysty sheshimdi kózi tirisinde qabyldaǵany jón.