Belgili akter ári prodiýser Janbolat Naizabekov shyǵarmashylyq ujymdaǵy tártip pen áriptesteri arasyndaǵy qarym-qatynas týraly aitty. Ol Madiiar Serikbaevty ózderiniń kóshbasshysy sanaitynyn jasyrmady, dep habarlaidy ult.kz.
Óner iesi Ainur Asanberdige bergen suhbatynda shyǵarmashylyq jolynda kezdesken qiyndyqtardy eske aldy. Onyń aitýynsha, tanymaldyqqa qol jetkizgen alǵashqy jyldary áriptesterimen birge "juldyz aýrýyn" bastan ótkergen. Alaida ýaqyt óte kele olar jeke ambitsiiadan góri ortaq maqsatty joǵary qoiý kerektigin túsingen.
Janbolat Naizabekov ujymda bir adamnyń basshylyq jasaýy mańyzdy ekenin atap ótti. Akterdiń sózinshe, árkim óz degenimen júrse, ortaq jumystyń nátijeli bolýy qiyn.
"Juldyz aýrýy tez ótip ketedi eken ǵoi. Sen bilmeisiń, qasyńdaǵylar biledi. Sol siiaqty sondai ýaqyttan da ótip kettik. Kezdeskende aramyzdan ámirshi sailaimyz. Ol ámirshige baǵynamyz. Eger oǵan baǵynbasaq, isimiz alǵa baspaidy. Jáne ámirshi bolǵan jerde barlyǵy birtekti bolady. Ol – lider ǵoi. Liderge baǵynbasań, menmendik paida bolady. Oiymen kelispeý paida bolady. Ózińmen óziń ketý paida bolady. Bizde, mysaly, Madiiar Serikbaev – lider, ámirshimiz. Ol aitady: zań", – dedi Janbolat Naizabekov.
Akter osylaisha shyǵarmashylyq ortada aýyzbirshilikti saqtaýdyń mańyzyn jetkizdi. Onyń pikirinshe, áriptester bir-biriniń pikirin qurmettep, ortaq sheshimge baǵyna bilse ǵana jumys alǵa basady.
Janbolat Naizabekovtiń bul pikiri áleýmettik jeli qoldanýshylarynyń da nazaryn aýdardy. Jelide óner ieleriniń dostyǵy men ózara syilastyǵyn joǵary baǵalaǵan pikirler jazyldy.