بەلگٸلٸ اكتەر ەرٸ پروديۋسەر جانبولات نايزابەكوۆ شىعارماشىلىق ۇجىمداعى تەرتٸپ پەن ەرٸپتەستەرٸ اراسىنداعى قارىم-قاتىناس تۋرالى ايتتى. ول مادييار سەرٸكباەۆتى ٶزدەرٸنٸڭ كٶشباسشىسى سانايتىنىن جاسىرمادى, دەپ حابارلايدى ult.kz.
ٶنەر يەسٸ اينۇر اسانبەردٸگە بەرگەن سۇحباتىندا شىعارماشىلىق جولىندا كەزدەسكەن قيىندىقتاردى ەسكە الدى. ونىڭ ايتۋىنشا, تانىمالدىققا قول جەتكٸزگەن العاشقى جىلدارى ەرٸپتەستەرٸمەن بٸرگە "جۇلدىز اۋرۋىن" باستان ٶتكەرگەن. الايدا ۋاقىت ٶتە كەلە ولار جەكە امبيتسييادان گٶرٸ ورتاق ماقساتتى جوعارى قويۋ كەرەكتٸگٸن تٷسٸنگەن.
جانبولات نايزابەكوۆ ۇجىمدا بٸر ادامنىڭ باسشىلىق جاساۋى ماڭىزدى ەكەنٸن اتاپ ٶتتٸ. اكتەردٸڭ سٶزٸنشە, ەركٸم ٶز دەگەنٸمەن جٷرسە, ورتاق جۇمىستىڭ نەتيجەلٸ بولۋى قيىن.
"جۇلدىز اۋرۋى تەز ٶتٸپ كەتەدٸ ەكەن عوي. سەن بٸلمەيسٸڭ, قاسىڭداعىلار بٸلەدٸ. سول سيياقتى سونداي ۋاقىتتان دا ٶتٸپ كەتتٸك. كەزدەسكەندە ارامىزدان ەمٸرشٸ سايلايمىز. ول ەمٸرشٸگە باعىنامىز. ەگەر وعان باعىنباساق, ٸسٸمٸز العا باسپايدى. جەنە ەمٸرشٸ بولعان جەردە بارلىعى بٸرتەكتٸ بولادى. ول – ليدەر عوي. ليدەرگە باعىنباساڭ, مەنمەندٸك پايدا بولادى. ويىمەن كەلٸسپەۋ پايدا بولادى. ٶزٸڭمەن ٶزٸڭ كەتۋ پايدا بولادى. بٸزدە, مىسالى, مادييار سەرٸكباەۆ – ليدەر, ەمٸرشٸمٸز. ول ايتادى: زاڭ", – دەدٸ جانبولات نايزابەكوۆ.
اكتەر وسىلايشا شىعارماشىلىق ورتادا اۋىزبٸرشٸلٸكتٸ ساقتاۋدىڭ ماڭىزىن جەتكٸزدٸ. ونىڭ پٸكٸرٸنشە, ەرٸپتەستەر بٸر-بٸرٸنٸڭ پٸكٸرٸن قۇرمەتتەپ, ورتاق شەشٸمگە باعىنا بٸلسە عانا جۇمىس العا باسادى.
جانبولات نايزابەكوۆتٸڭ بۇل پٸكٸرٸ ەلەۋمەتتٸك جەلٸ قولدانۋشىلارىنىڭ دا نازارىن اۋداردى. جەلٸدە ٶنەر يەلەرٸنٸڭ دوستىعى مەن ٶزارا سىيلاستىعىن جوعارى باعالاعان پٸكٸرلەر جازىلدى.