Қазақстан Тәуелсіздігіне 25 жыл

18 qarashada aýa raiy qandai bolady?

18 qarashada aýa raiy qandai bolady?
Foto: Neirojeli arqyly jasaldy

18 qarashada Qazaqstannyń basym bóliginde aýa raiy qubylmaly bolady. Birqatar óńirde jańbyr men qar jaýyp, tuman túsedi. Soltústik oblystarda kóktaiǵaq kútilse, ońtústikte kún salystyrmaly túrde jyly bolady, dep habarlaidy ult.kz.

Astanada kóshpeli bult shyǵyp, jaýyn-shashyn kútilmeidi. Túnde aýa temperatýrasy –4…–6, kúndiz +3…+5 gradýs bolady. Jeldiń jyldamdyǵy tańerteń jáne kúndiz 9–14 m/s-qa jetedi. Almatyda túnde jáne tańerteń tuman túsip, kúndiz aýa +8…+10 gradýsqa deiin jylynady, túnde +1…+3 gradýs bolady. Shymkentte jańbyr jaýyp, tuman túsedi. Túnde +4…+6, kúndiz +15…+17 gradýs jyly bolady. 

Elimizdiń soltústik jáne ortalyq óńirlerinde qysqy aýa raiynyń belgileri baiqalady. Aqmola, Qostanai jáne Soltústik Qazaqstan oblystarynda qar aralas jańbyr jaýyp, kóktaiǵaq bolady. Soltústik Qazaqstan oblysynda jeldiń ekpini 23–28 m/s-qa deiin kúsheiýi múmkin. Pavlodar oblysynda jaýyn-shashyn kútilmegenimen, tuman túsedi. Qaraǵandy men Ulytaý oblystarynyń kei aýdandarynda qar aralas jańbyr jaýady. Aqtóbe oblysynda da kóktaiǵaq bolýy yqtimal. Bul óńirlerde kúndizgi temperatýra negizinen –3…+5 gradýs aralyǵynda bolady. 

Batys óńirlerde aýa raiy árkelki bolady. Atyraý oblysynda jaýyn-shashyn kútilmeidi, kúndiz +2…+7 gradýs bolady. Mańǵystaý oblysynyń kei bólikterinde jańbyr jaýyp, aýa temperatýrasy +9…+14 gradýsqa deiin kóteriledi. Batys Qazaqstan oblysynda jańbyr men qar aralas jaýyn-shashyn, tuman jáne kóktaiǵaq boljanady. Shyǵys Qazaqstan men Abai oblystarynda negizinen jaýyn-shashynsyz aýa raiy saqtalady. Shyǵysta túngi temperatýra –3…–11 gradýsqa deiin tómendep, kúndiz +1…+6 gradýs shamasynda bolady.