Қазақстан Тәуелсіздігіне 25 жыл

18 қарашада ауа райы қандай болады?

18 қарашада ауа райы қандай болады?
Фото: Нейрожелі арқылы жасалды

18 қарашада Қазақстанның басым бөлігінде ауа райы құбылмалы болады. Бірқатар өңірде жаңбыр мен қар жауып, тұман түседі. Солтүстік облыстарда көктайғақ күтілсе, оңтүстікте күн салыстырмалы түрде жылы болады, деп хабарлайды ult.kz.

Астанада көшпелі бұлт шығып, жауын-шашын күтілмейді. Түнде ауа температурасы –4…–6, күндіз +3…+5 градус болады. Желдің жылдамдығы таңертең және күндіз 9–14 м/с-қа жетеді. Алматыда түнде және таңертең тұман түсіп, күндіз ауа +8…+10 градусқа дейін жылынады, түнде +1…+3 градус болады. Шымкентте жаңбыр жауып, тұман түседі. Түнде +4…+6, күндіз +15…+17 градус жылы болады. 

Еліміздің солтүстік және орталық өңірлерінде қысқы ауа райының белгілері байқалады. Ақмола, Қостанай және Солтүстік Қазақстан облыстарында қар аралас жаңбыр жауып, көктайғақ болады. Солтүстік Қазақстан облысында желдің екпіні 23–28 м/с-қа дейін күшеюі мүмкін. Павлодар облысында жауын-шашын күтілмегенімен, тұман түседі. Қарағанды мен Ұлытау облыстарының кей аудандарында қар аралас жаңбыр жауады. Ақтөбе облысында да көктайғақ болуы ықтимал. Бұл өңірлерде күндізгі температура негізінен –3…+5 градус аралығында болады. 

Батыс өңірлерде ауа райы әркелкі болады. Атырау облысында жауын-шашын күтілмейді, күндіз +2…+7 градус болады. Маңғыстау облысының кей бөліктерінде жаңбыр жауып, ауа температурасы +9…+14 градусқа дейін көтеріледі. Батыс Қазақстан облысында жаңбыр мен қар аралас жауын-шашын, тұман және көктайғақ болжанады. Шығыс Қазақстан мен Абай облыстарында негізінен жауын-шашынсыз ауа райы сақталады. Шығыста түнгі температура –3…–11 градусқа дейін төмендеп, күндіз +1…+6 градус шамасында болады.