Қазақстан Тәуелсіздігіне 25 жыл

Belgradta eskalatordan on bala qulap zardap shekti

Belgradta eskalatordan on bala qulap zardap shekti
áleýmettik jeliden

Serbiia astanasy Belgradtaǵy saýda ortalyqtarynyń birinde eskalatordan qulaǵan on bala jaraqat aldy. Olardyń jeteýi aýyr jaraqat alǵan, dep jazady ult.kz.

Oqiǵa Belgrad jaǵalaýyndaǵy «Galereia» saýda ortalyǵynda shamamen saǵat 14:30-da bolǵan. 

8–9 jastaǵy balalar muǵalimimen birge kinoteatrǵa bara jatqan.

Boljamdardyń birinde, eskalator kenetten toqtap, artynsha qaita iske qosylǵan. Sonyń saldarynan balalar biriniń ústine biri qulap ketken.

Al ekinshi nusqa boiynsha, oqýshylardyń biri aiaq kiiminiń baýyna shalynyp qulaǵan. Artynan kele jatqan balalar der kezinde toqtai almai, birinen soń biri qulaǵan.

Meditsinalyq qyzmettiń málimetinshe, zardap shekken jeti bala aýyr jaraqat alsa, úsheýiniń jaraqaty jeńil. Olardyń barlyǵy shuǵyl meditsinalyq kómek kórsetý ortalyǵyna jetkizilgen.

Zardap shekkenderdiń arasynda bes ul jáne bes qyz bar.