Қазақстан Тәуелсіздігіне 25 жыл

Qazaqstandyq tanymal aitysker kóz jumdy

Qazaqstandyq tanymal aitysker kóz jumdy
Foto: Neirojeli arqyly jasaldy

Qazaqtyń belgili aitysker aqyny, Qazaqstannyń halyq aqyny Ásiia Berkenova 76 jasynda dúnieden ótti, dep habarlaidy ult.kz.

Ásiia Berkenova qazaq aitysynyń damýyna eleýli úles qosqan óner ieleriniń biri boldy. Ol sýyrypsalma aqyndyǵymen, tapqyrlyǵymen jáne qoǵamdaǵy ózekti máselelerdi qozǵaǵan ótkir jyrlarymen kópshiliktiń yqylasyna bólendi.

Aqyn 1950 jyly 22 sáýirde Qostanai oblysynyń Áýliekól aýdanynda dúniege kelgen. 1972 jyly Qazaq memlekettik qyzdar pedagogikalyq institýtyn bitirip, eńbek jolyn muǵalimdikten bastaǵan. 1972–1997 jyldary Qostanai oblysyndaǵy Naýryzym jáne Áýliekól aýdandarynyń mektepterinde ustazdyq etken. 

Ásiia Berkenova 1980 jyldardan bastap aitys sahnasyna shyǵyp, respýblikalyq jáne halyqaralyq sóz saiystarynda júldeli oryndarǵa ie boldy. 1984 jyly Kenen Ázirbaevtyń 100 jyldyǵyna arnalǵan respýblikalyq aitysta birinshi oryn alǵan.

Ol ustazdyq qyzmetimen de tanyldy. Ahmet Baitursynuly atyndaǵy Qostanai memlekettik ýniversitetindegi “Óner” stýdiiasyna jetekshilik etip, jas talanttardyń qalyptasýyna úles qosty.