1999 jyly Pavlodar oblysynda qaraqshylyq shabýyl jasaǵannan keiin izin sýytqan er adam Reseide ustaldy. Ol 27 jyl boiy quqyq qorǵaý organdarynan jasyrynyp kelgen, dep habarlaidy ult.kz Polisia.kz-ke silteme jasap.
Pavlodar oblystyq politsiia departamentiniń málimetinshe, kúdiktini ustaý operatsiiasyn óńirdiń kriminaldyq politsiia basqarmasynyń jedel toby Resei IIM-niń Máskeý oblysy boiynsha qyzmetkerlerimen birlesip júrgizgen. Er adam arnaiy jedel-izdestirý sharalary barysynda qolǵa tústi.
Politsiia dereginshe, 2026 jyldyń alǵashqy on aiynda Pavlodar oblysynda qylmys jasady degen kúdikpen nemese sottalǵan 82 adam izdeýde bolǵan. Osy kezeńde sot tóreliginen jasyrynǵan 73 adam tabylǵan.
Sonymen qatar sheteldik quqyq qorǵaý organdarynyń suraýy boiynsha Pavlodar oblysynda izdeýde júrgen 31 adam anyqtalsa, Qazaqstannan tys jerlerde taǵy jeti adam ustalǵan.
Politsiia izdeýde júrgen adamdardy anyqtaý jumystary prokýratýramen birlesip, shetelde de jalǵasyp jatqanyn atap ótti.
Aita keteiik, buǵan deiin Abai oblysynda 2023 jyly joǵalyp ketken er adamnyń ólimi ashylǵan edi. Úsh jyldan astam ýaqyt ótken soń kúdikti kisi óltirgenin moiyndap, máiit jasyrylǵan jerdi kórsetken.