Astanada «Buyers Union» qarjy piramidasyn uiymdastyrdy degen kúdikke ilingen bes adamǵa qatysty tergeý aiaqtalyp, qylmystyq is sotqa joldandy. Tergeý málimetinshe, kúdiktiler 332 azamatpen jalpy somasy 562 mln teńgeden asatyn kelisimshart jasasqan, dep habarlaidy ult.kz.
Qarjylyq monitoring agenttiginiń málimetinshe, kúdiktiler zańdy qyzmet atqaryp júrgendei kóriný úshin tutyný kooperativi mártebesin paidalanǵan. Olar iri biznes ortalyqtarynan keńse jaldap, Astana, Almaty, Shymkent jáne elimizdiń basqa da qalalarynda bólimsheler ashqan.
Áleýmettik jelilerde azamattarǵa baspana men avtokólik alýǵa paiyzsyz qaryz berý, qoldanystaǵy nesielerdi qaita qarjylandyrý jáne Trade-in baǵdarlamalary usynylǵan.
Alaida mundai qyzmetterdi paidalaný úshin azamattar kooperativke jańa músheler tartýǵa tiis bolǵan. Bastapqy jarna tólegen adamdar kezekke qoiylyp, onyń jyljýy jańadan qosylǵan qatysýshylardyń salǵan qarajatyna táýeldi bolǵan.
Tergeý barysynda alty avtokólikke, sondai-aq 5 513 USDT jáne 1 003 Futeres kólemindegi kriptoaktivterge sot sanktsiiasymen tyiym salyndy.
Qazirgi ýaqytta bes kúdiktige qatysty qylmystyq is sotqa joldandy. Qylmystyq-protsestik kodekstiń 201-babyna sáikes, ózge málimetter jariia etilmeidi.
Aita keteiik, buǵan deiin Astanada «Buyers Union» uiymyn qosa alǵanda, alty qarjy piramidasynyń qyzmeti toqtatylǵany habarlanǵan bolatyn.