Pavlodar oblysynyń Ertis aýdanynda jóndelmegen aýylishilik jol úshin merdigerge 45 mln teńge aýdarylǵan. Biýdjet qarajatyn jymqyrý deregin aýdan prokýratýrasy anyqtady, dep habarlaidy ult.kz.
Prokýratýranyń málimetinshe, Ýspen aýyldyq okrýgi ákiminiń apparaty is júzinde jóndeý júrgizilmegen jol ýchaskesi úshin «MKK-Elit Stroi» JShS-ne 45 mln teńge zańsyz aýdarǵan.
Atalǵan fakti boiynsha ákimdik pen merdiger uiymnyń laýazymdy tulǵalaryna qatysty Qylmystyq kodekstiń 189-baby boiynsha sotqa deiingi tergep-tekserý bastaldy.
Qazirgi ýaqytta tergeýdi Ulttyq qaýipsizdik komitetiniń Pavlodar oblysy boiynsha departamenti júrgizip jatyr. Qylmystyq-protsestik kodekstiń 201-babyna sáikes, tergeýdiń ózge málimetteri jariia etilmeidi.
Aita keteiik, buǵan deiin Aqmola oblysynyń Nikolskoe aýylynda jol jóndeýge bólingen 78 mln teńgeniń jymqyrylǵany anyqtalǵan bolatyn. Bul derek boiynsha da sotqa deiingi tergeý bastalǵan.