Terrorizm aktisi týraly jalǵan habar taratý aýyr saldarǵa ákelýi múmkin. Mundai áreket júzdegen adamnyń evakýatsiialanýyna jáne arnaiy qyzmetterdiń jumyldyrylýyna sebep bolady. Ishki ister ministrligi azamattardy jaýapsyz áreketten saq bolýǵa shaqyrdy, dep habarlaidy ult.kz.
IIM málimetinshe, 2026 jyldyń basynan beri terrorizm týraly kórineý jalǵan habar taratqany úshin 23 adam qylmystyq jaýapkershilikke tartylǵan. Olardyń jeteýi – 14 pen 17 jas aralyǵyndaǵy jasóspirimder.
Mundai habarlamalar telefon, messendjerler men áleýmettik jeliler arqyly taratylady. Kóbine jasóspirimder muny ázil nemese nazar aýdartýdyń amaly dep qabyldaidy. Alaida jalǵan aqparat saldarynan mektepter, aýrýhanalar men basqa da mekemeler evakýatsiialanyp, oqiǵa ornyna politsiia men arnaiy qyzmetter jiberiledi.
Ministrlik bul qylmys úshin jaýapkershilik 14 jastan bastalatynyn eske saldy. Zań boiynsha bes jylǵa deiin bas bostandyǵynan aiyrý jazasy qarastyrylǵan. Sonymen qatar kináliler shuǵyl qyzmetterdiń jumysyna jumsalǵan shyǵyndy óteýge mindettelýi múmkin.
IIM ata-analardy balalardyń internettegi áreketterine nazar aýdaryp, jalǵan habarlamanyń saldaryn túsindirýge shaqyrdy. Al azamattarǵa tekserilmegen aqparatty taratpai, qaýip týraly habarlamalardy dereý quqyq qorǵaý organdaryna jetkizý usynyldy.