Қазақстан Тәуелсіздігіне 25 жыл

27 جىل بويى ٸزدەۋدە جٷرگەن قاراقشىلىق كٷدٸكتٸسٸ مەسكەۋدە ۇستالدى

27 جىل بويى ٸزدەۋدە جٷرگەن قاراقشىلىق كٷدٸكتٸسٸ مەسكەۋدە ۇستالدى
ۆيدەودان سكرينشوت

1999 جىلى پاۆلودار وبلىسىندا قاراقشىلىق شابۋىل جاساعاننان كەيٸن ٸزٸن سۋىتقان ەر ادام رەسەيدە ۇستالدى. ول 27 جىل بويى قۇقىق قورعاۋ ورگاندارىنان جاسىرىنىپ كەلگەن, دەپ حابارلايدى ult.kz Polisia.kz-كە سٸلتەمە جاساپ.

پاۆلودار وبلىستىق پوليتسييا دەپارتامەنتٸنٸڭ مەلٸمەتٸنشە, كٷدٸكتٸنٸ ۇستاۋ وپەراتسيياسىن ٶڭٸردٸڭ كريمينالدىق پوليتسييا باسقارماسىنىڭ جەدەل توبى رەسەي ٸٸم-نٸڭ مەسكەۋ وبلىسى بويىنشا قىزمەتكەرلەرٸمەن بٸرلەسٸپ جٷرگٸزگەن. ەر ادام ارنايى جەدەل-ٸزدەستٸرۋ شارالارى بارىسىندا قولعا تٷستٸ.

پوليتسييا دەرەگٸنشە, 2026 جىلدىڭ العاشقى ون ايىندا پاۆلودار وبلىسىندا قىلمىس جاسادى دەگەن كٷدٸكپەن نەمەسە سوتتالعان 82 ادام ٸزدەۋدە بولعان. وسى كەزەڭدە سوت تٶرەلٸگٸنەن جاسىرىنعان 73 ادام تابىلعان.

سونىمەن قاتار شەتەلدٸك قۇقىق قورعاۋ ورگاندارىنىڭ سۇراۋى بويىنشا پاۆلودار وبلىسىندا ٸزدەۋدە جٷرگەن 31 ادام انىقتالسا, قازاقستاننان تىس جەرلەردە تاعى جەتٸ ادام ۇستالعان.

پوليتسييا ٸزدەۋدە جٷرگەن ادامداردى انىقتاۋ جۇمىستارى پروكۋراتۋرامەن بٸرلەسٸپ, شەتەلدە دە جالعاسىپ جاتقانىن اتاپ ٶتتٸ.

ايتا كەتەيٸك, بۇعان دەيٸن اباي وبلىسىندا 2023 جىلى جوعالىپ كەتكەن ەر ادامنىڭ ٶلٸمٸ اشىلعان ەدٸ. ٷش جىلدان استام ۋاقىت ٶتكەن سوڭ كٷدٸكتٸ كٸسٸ ٶلتٸرگەنٸن مويىنداپ, مەيٸت جاسىرىلعان جەردٸ كٶرسەتكەن.