Қазақстан Тәуелсіздігіне 25 жыл

«ەكەم ونى سٷيگەن جوق»: اسقار سٷلەيمەنوۆتٸڭ قىزى ەلييا بٶپەجانوۆا تۋرالى ايتتى

«ەكەم ونى سٷيگەن جوق»: اسقار سٷلەيمەنوۆتٸڭ قىزى ەلييا بٶپەجانوۆا تۋرالى ايتتى
اشىق دەرەككٶز

قازاقتىڭ كٶرنەكتٸ جازۋشىسى اسقار سٷلەيمەنوۆتٸڭ قىزى قاراكٶز سٷلەيمەنوۆا ەكەسٸنٸڭ ەدەبيەتتانۋشى, سىنشى ەلييا بٶپەجانوۆامەن قارىم-قاتىناسى تۋرالى سۇحبات بەردٸ. Janar Baisemiz YouTube ارناسىنا بەرگەن سۇحباتىندا ول ەكەسٸ مەن ەلييا بٶپەجانوۆانىڭ قالاي تانىسقانىن, كەيٸن زاڭدى نەكەگە تۇرۋىنا نە سەبەپ بولعانىن باياندادى, دەپ حابارلايدى ult.kz.

قاراكٶز سٷلەيمەنوۆانىڭ ايتۋىنشا, ەلييا بٶپەجانوۆا ٶزٸن جازۋشىنىڭ جارى دەپ اتاعانىمەن, باستاپقىدا ولاردىڭ قارىم-قاتىناسى ٶزگەشە بولعان.

«ەلييا بٶپەجانوۆا "مەن جازۋشىنىڭ زايىبىمىن, جارىمىن" دەيدٸ عوي, بٸراق اقيقاتىندا ولاي ەمەس. ول كٸسٸگە شەكٸرت سيياقتى بولىپ جٷرەتٸن. كەلەتٸن, ەڭگٸمەسٸن تىڭدايتىن, ينتەرۆيۋىن الاتىن. كەيدە ٷيدە قونىپ قالاتىن», – دەيدٸ ول.

سونداي-اق قاراكٶز سٷلەيمەنوۆا ەلييا بٶپەجانوۆانىڭ ەكەسٸنەن بالا سٷيگەن كەزەڭٸن ەسكە الدى. ونىڭ سٶزٸنشە, جازۋشى قىزى دٷنيەگە كەلگەندە اۋرۋحاناعا بارماعان. ال بالانىڭ تۋۋ تۋرالى كۋەلٸگٸن رەسٸمدەۋ كەزٸندە تەگٸ مەسەلەسٸ تۋىنداعان.

«فاميليياڭىزدى بەرەسٸز بە?» دەپ سۇراعاندا, ەكەم «بەرە­مٸن» دەگەن. بٸراق بالا ٷش ايعا دەيٸن تۋۋ تۋرالى كۋەلٸگٸن الا الماعان. كەيٸن ەلييا بٶپەجانوۆا زاڭدى نەكەدە بولماسا, جازۋشىنىڭ تەگٸن بەرە المايتىنىن ايتقان.

قاراكٶزدٸڭ ايتۋىنشا, اسقار سٷلەيمەنوۆ باستاپقىدا احاج بٶلٸمٸنە بارۋعا قۇلىق تانىتپاعان. الايدا بالاسىنا تەگٸن بەرۋ ٷشٸن عانا زاڭدى نەكەگە تۇرۋعا كەلٸسكەن.

جازۋشىنىڭ قىزى بۇل وقيعاعا قاتىستى ٶز كٶزقاراسىن دا جاسىرمادى. ونىڭ پٸكٸرٸنشە, بٸر شاڭىراق استىندا بٸر كٷن دە تۇرماعان ادامداردىڭ نەكەسٸن راستايتىن قۇجاتتىڭ ٶزٸ ەشتەڭەنٸ بٸلدٸرمەيدٸ.

«بٸر شاڭىراقتا بٸر كٷن تۇرماسا, ول زاگس مەن ٷشٸن قۇر قاعاز. نەگە دەيسٸز عوي? ەكەم ونى الىپ كەلٸپ, ەكەلمەسە دە شاقىرىپ, باسىنا ورامال سالىڭدار دەگەنٸ جٷز تٷرلٸ, مىڭ تٷرلٸ زاگس-تان ارتىق بولاتىن دٷنيە», – دەدٸ قاراكٶز سٷلەيمەنوۆا.

ول سونداي-اق ەلييا بٶپەجانوۆانىڭ جازۋشىنى قاتتى سٷيگەنٸن, ال ەكەسٸنٸڭ وعان دەل سونداي سەزٸممەن قاراماعانىن ايتتى. الايدا بۇل قارىم-قاتىناستىڭ قالاي ٶربٸگەنٸن وتباسى مٷشەلەرٸ ٶز كٶزدەرٸمەن كٶرگەنٸن جەتكٸزدٸ.