قازاقستاندىق تەاتر جەنە كينو اكتەرٸ ايان ٶتەپبەرگەن يسپانييادا ٶتكەن X Isla Calavera حالىقارالىق فانتاستيكالىق كينوفەستيۆالٸندە «ٷزدٸك اكتەر» نوميناتسيياسىن جەڭٸپ الدى, دەپ حابارلايدى ult.kz.
اكتەر بۇل ماراپاتقا «Sicko» فيلمٸندەگٸ رٶلٸ ٷشٸن يە بولدى. ول دجەك تەيلور اتىنداعى جٷلدەمەن ماراپاتتالدى.
فەستيۆالدٸڭ قازىلار القاسى ايان ٶتەپبەرگەننٸڭ اكتەرلٸك شەبەرلٸگٸنە جوعارى باعا بەرگەن. سونداي-اق ونىڭ كەيٸپكەر بەينەسٸن ەسەرلٸ سومداپ, دراما مەن يۋموردى شەبەر ٷيلەستٸرە بٸلگەنٸن اتاپ ٶتكەن.
ايتا كەتەيٸك, «Sicko» فيلمٸ فەستيۆالدە ٷش بٸردەي ماراپاتقا يە بولدى. اتاپ ايتقاندا, كارتينا «ٷزدٸك تولىقمەتراجدى فيلم», «ٷزدٸك اكتەر» جەنە «ٷزدٸك كوستيۋمدەر» نوميناتسييالارى بويىنشا جەڭٸمپاز اتاندى.
X Isla Calavera حالىقارالىق فانتاستيكالىق كينوفەستيۆالٸ جىل سايىن يسپانييانىڭ كانار ارالدارىندا ۇيىمداستىرىلادى. بيىلعى مەرەيتويلىق شارا 6-15 قاراشا ارالىعىندا تەنەريفە ارالىندا ٶتتٸ.
ايان ٶتەپبەرگەن – استانا قالاسىنداعى مۋزىكالىق جاس كٶرەرمەن تەاترىنىڭ اكتەرٸ. ونىڭ حالىقارالىق فەستيۆالدەگٸ جەڭٸسٸ قازاقستاندىق كينو ٶنەرٸنٸڭ شەتەلدە تانىلۋىنا قوسىلعان ەلەۋلٸ ٷلەس بولدى.