Qazaqstandyq teatr jáne kino akteri Aian Ótepbergen Ispaniiada ótken X Isla Calavera halyqaralyq fantastikalyq kinofestivalinde «Úzdik akter» nominatsiiasyn jeńip aldy, dep habarlaidy ult.kz.
Akter bul marapatqa «Sicko» filmindegi róli úshin ie boldy. Ol Djek Teilor atyndaǵy júldemen marapattaldy.
Festivaldiń qazylar alqasy Aian Ótepbergenniń akterlik sheberligine joǵary baǵa bergen. Sondai-aq onyń keiipker beinesin áserli somdap, drama men iýmordy sheber úilestire bilgenin atap ótken.
Aita keteiik, «Sicko» filmi festivalde úsh birdei marapatqa ie boldy. Atap aitqanda, kartina «Úzdik tolyqmetrajdy film», «Úzdik akter» jáne «Úzdik kostiýmder» nominatsiialary boiynsha jeńimpaz atandy.
X Isla Calavera halyqaralyq fantastikalyq kinofestivali jyl saiyn Ispaniianyń Kanar araldarynda uiymdastyrylady. Biylǵy mereitoilyq shara 6-15 qarasha aralyǵynda Tenerife aralynda ótti.
Aian Ótepbergen – Astana qalasyndaǵy Mýzykalyq jas kórermen teatrynyń akteri. Onyń halyqaralyq festivaldegi jeńisi qazaqstandyq kino óneriniń shetelde tanylýyna qosylǵan eleýli úles boldy.