Қазақстан Тәуелсіздігіне 25 жыл

قارشىعا احمەديياروۆتىڭ تۋعانىنا 80 جىل تولۋىنا وراي مەرەيتويلىق ٸس-شارالار ٶتەدٸ

قارشىعا احمەديياروۆتىڭ تۋعانىنا 80 جىل تولۋىنا وراي مەرەيتويلىق ٸس-شارالار ٶتەدٸ
altynqor.com

الماتىدا كٶرنەكتٸ قازاق دومبىراشىسى, كومپوزيتور, ديريجەر ەرٸ پەداگوگ قارشىعا احمەديياروۆتىڭ تۋعانىنا 80 جىل تولۋىنا وراي مەرەيتويلىق ٸس-شارالار ٶتەدٸ. باسقوسۋدا مۋزىكانتتار مەن زەرتتەۋشٸلەر ٶنەر يەسٸنٸڭ ۇلتتىق مۋزىكا ٶنەرٸن دامىتۋعا, ورىنداۋشىلىق دەستٷرلەردٸ ساقتاپ, جاس مۋزىكانتتاردى تەربيەلەۋگە قوسقان ٷلەسٸن تالقىلاماقشى. بۇل تۋرالى الماتى قالاسىنىڭ ٶڭٸرلٸك كوممۋنيكاتسييالار قىزمەتٸندە مەلٸمدەدٸ, دەپ حابارلايدى ult.kz.

2026 جىلعى 20 قاراشادا قۇرمانعازى اتىنداعى قازاق ۇلتتىق كونسەرۆاتوريياسىندا «قارشىعا احمەديياروۆ: ورىنداۋشىلىق ٶنەرٸ, عىلىمي-پەداگوگيكالىق مۇراسى مەن دومبىرا مەكتەبٸنٸڭ دەستٷرٸ» اتتى حالىقارالىق عىلىمي-تەجٸريبەلٸك كونفەرەنتسييا مەن مۋزىكانتتىڭ 80 جىلدىعىنا ارنالعان گالا-كونتسەرت ٶتەدٸ.

قارشىعا احمەديياروۆ قازاق كٷيٸ مەن دومبىرا ٶنەرٸنٸڭ دامۋىنا زور ٷلەس قوستى. ونىڭ شىعارماشىلىق مۇراسىنا اسپاپتىق تۋىندىلارمەن قاتار ەندەر مەن پوەمالار دا ەنەدٸ. قازاقستاننىڭ ەڭبەك سٸڭٸرگەن قايراتكەرٸ, قۇرمانعازى اتىنداعى قازاق ۇلتتىق كونسەرۆاتوريياسى دومبىرا كافەدراسىنىڭ پروفەسسورى كاريما ساحارباەۆانىڭ ايتۋىنشا, ٶنەر يەسٸنٸڭ شىعارماشىلىعى بٷگٸندەرٸ ەر ەلدٸڭ ورىنداۋشىلارىن بٸرٸكتٸرٸپ كەلەدٸ.

«بىلتىر قارشىعا احمەديياروۆ اتىنداعى كٷي بايقاۋى حالىقارالىق دەڭگەيدە ٶتتٸ. بيىل دا ونى الماتىدا ۇيىمداستىرماق ويدامىز. كونتسەرتكە ٶزبەكستان مەن قىرعىزستاننىڭ حالىق ەرتٸستەرٸ, سونداي-اق باسقا دا تٷركٸتٸلدەس ەلدەردٸڭ ورىنداۋشىلارى قاتىسادى. قارشىعا احمەديياروۆ كٷي عانا ەمەس, ەن مەن پوەزييالىق شىعارما دا جازعان», – دەدٸ كاريما ساحارباەۆا.

كەزدەسۋ بارىسىندا قارشىعا احمەديياروۆتىڭ ٶزٸندٸك ورىنداۋشىلىق مەنەرٸ مەن ونىڭ دومبىرا مەكتەبٸنٸڭ دامۋىنا تيگٸزگەن ىقپالىنا نازار اۋداردى. كاريما ساحارباەۆانىڭ ايتۋىنشا, مۋزىكانتتىڭ 130-دان استام شىعارماسى ٶزٸندٸك ستيلٸمەن, كومپوزيتسييالىق قۇرىلىمىمەن, ورىنداۋ ەرەكشەلٸگٸمەن دارالانادى. سونىمەن قاتار ول الدىڭعى بۋىن كٷيشٸلەرٸنٸڭ مۇراسىن تەرەڭ زەرتتەپ, قازاق مۋزىكاسىنىڭ دەستٷرٸن ساقتاپ, ودان ەرٸ دامىتتى.

مۋزىكانتتىڭ شىعارماشىلىق مۇراسىندا پەداگوگيكالىق قىزمەتٸ دە ايرىقشا ورىن الادى. قازاقستان مەدەنيەتٸنٸڭ ٷزدٸگٸ, قۇرمانعازى اتىنداعى قازاق ۇلتتىق كونسەرۆاتوريياسى دومبىرا كافەدراسىنىڭ دوتسەنتٸ, قارشىعا احمەديياروۆتىڭ شەكٸرتٸ بايان يگٸلٸك ۇستازدىڭ شەكٸرتتەردٸڭ ورىنداۋشىلىق شەبەرلٸگٸنە عانا ەمەس, عىلىمي ٸزدەنٸسٸنە دە ەرەكشە كٶڭٸل بٶلگەنٸن ايتتى.

«قارشىعا اعايدىڭ شەكٸرتٸ بولعانىمدى ٷلكەن مەرتەبە سانايمىن. ول بٸزدٸ جان-جاقتى مامان ەتٸپ تەربيەلەدٸ. بٸردە قىتايعا بارعان ساپارىنان كەيٸن ماعان ەكٸ اۋديوجازبا ەكەلٸپ, ولاردى نوتاعا تٷسٸرٸپ, زەرتتەۋدٸ تاپسىردى. وسىلايشا ول بٸزدٸ تەك ورىنداۋشىلىق باعىتتا عانا ەمەس, عىلىمي ٸزدەنٸس جولىندا دا باعىتتاپ وتىردى. سونىڭ ارقاسىندا بٷگٸنگٸ كٷنٸ بٸرنەشە كٸتاپ شىعارىپ, ديسسەرتاتسييا قورعادىم. ەلٸ دە وسى جولدى جالعاستىرىپ كەلەمٸن», – دەيدٸ بايان يگٸلٸك.

ونىڭ ايتۋىنشا, قارشىعا احمەديياروۆ جاس ورىنداۋشىلاردىڭ بويىنداعى قابٸلەتتٸ دەر كەزٸندە بايقاپ, ولارعا قولداۋ كٶرسەتٸپ, تالانتىن اشۋعا كٶمەكتەسە بٸلگەن. ۇستازدىڭ پەداگوگيكالىق ۇستانىمى بٷگٸنگٸ جاس مۋزىكانتتار ٷشٸن دە ماڭىزدى ٷلگٸ بولىپ قالا بەرەدٸ.

مەرەيتويلىق باعدارلاما 20 قاراشادا ٶتەدٸ. ساعات 10:00-دە قازاقستان رەسپۋبليكاسىنىڭ ۇلتتىق كٸتاپحاناسىندا حالىقارالىق عىلىمي-تەجٸريبەلٸك كونفەرەنتسييانىڭ اشىلۋى مەن پلەنارلىق وتىرىس ۇيىمداستىرىلادى. ساعات 14:00-دە سەكتسييالىق وتىرىس قۇرمانعازى اتىنداعى قازاق ۇلتتىق كونسەرۆاتوريياسىندا جالعاسادى. ال ساعات 18:00-دە ە. راحماديەۆ اتىنداعى ٷلكەن كونتسەرت زالىندا «كٷي كەمەڭگەرٸ – قارشىعا» اتتى كونتسەرت ٶتەدٸ.

ٸس-شارالار ۇلتتىق مۋزىكالىق مۇرانى ناسيحاتتاۋعا, قارشىعا احمەديياروۆتىڭ شىعارماشىلىق جەنە پەداگوگيكالىق جولىن زەردەلەپ, سونداي-اق دومبىراشىلاردىڭ دەستٷرٸن كەلەر ۇرپاققا جەتكٸزۋگە باعىتتالعان.