Astanada 11-synyp oqýshysy mektepke pyshaq alyp kelip, synyptastaryna shabýyl jasaǵan. Oqiǵa saldarynan eki oqýshy jaraqattanyp, meditsinalyq kómekke júgindi, dep habarlaidy ult.kz.
KTK arnasynyń málimetinshe, qyzdyń mektepke pyshaqty qalai alyp kirgeni ázirge belgisiz. Qazir politsiia oqiǵanyń mán-jaiyn anyqtap, mekteptegi kúzet qyzmetiniń jumysyn tekserip jatyr.
Mektep direktory Elmira Sultanovanyń aitýynsha, buǵan deiin qyzdyń minez-qulqynan kúdik týdyratyn eshqandai belgi baiqalmaǵan. Oqýshynyń ózi sabaq ústinde qatarlastaryn qorqytqysy kelgenin jáne olarǵa qyzǵanyshpen qaraǵanyn aitqan.
Zardap shekken eki oqýshy dárigerlerdiń qaraýynan keiin ambýlatoriialyq emge jiberilgen. Olardyń ómirine qaýip tónip turǵan joq. Al shabýyl jasaǵan oqýshy profilaktikalyq esepke alynyp, psihikalyq densaýlyq ortalyǵynyń mamandaryna joldanǵan.
Sonymen qatar qyzdyń ata-anasy bala tárbiesine salǵyrt qaraǵany úshin jaýapqa tartylǵan. Politsiia mektep qaýipsizdigine jaýapty kúzet uiymynyń áreketine de quqyqtyq baǵa beriletinin málimdedi.