Қазақстан Тәуелсіздігіне 25 жыл

Qaraǵandyda oqýshyny qaǵyp ketken júrgizýshi oqiǵa ornynan ketip qalǵan

Qaraǵandyda oqýshyny qaǵyp ketken júrgizýshi oqiǵa ornynan ketip qalǵan
astanatv.kz

Qaraǵandy oblysynda kólik qaǵyp ketken 14 jastaǵy oqýshy oqiǵa ornynda kóz jumdy. Qaiǵyly oqiǵadan keiin júrgizýshi oqiǵa ornynan ketip qalǵan. Ol muny kólikte otyrǵan úsh jastaǵy nemeresiniń shoshyp, jylaǵanymen túsindirdi, dep habarlaidy ult.kz.

KTK arnasynynyń málimetinshe, oqiǵa 17 qazanda saǵat 21:00 shamasynda Petrovka aýylynda bolǵan. Angelina Poganko úiine qaityp bara jatqanda kólik qaǵyp ketken. Qyz alǵan jaraqatynan oqiǵa ornynda kóz jumdy.

Marqumnyń týystary júrgizýshiniń áli kúnge deiin kásipkerlikpen ainalysyp júrgenine narazy. Qyzdyń ájesi onyń birden qamaýǵa alynýyn talap etedi.

Al júrgizýshi Gúlmira Rahmenova oqiǵa ornynan qashpaǵanyn, jarty saǵattan keiin qaita oralǵanyn aitady. Sondai-aq marqumnyń otbasymen sóileskenin, alaida olardyń 30 million teńge ótemaqy talap etkenin jetkizdi.

Politsiia eki bap boiynsha qylmystyq is qozǵaǵan: abaisyzda adam ólimine ákep soqqan jol qozǵalysy erejelerin buzý jáne jol apaty ornynan ketip qalý.

Qazir sotqa deiingi tergeý júrip jatyr. Saraptama qorytyndysynan keiin júrgizýshige qatysty protsessýaldyq sheshim qabyldanady. Kinási dáleldense, áiel bes jylǵa deiin bas bostandyǵynan aiyrylýy múmkin.