Қазақстан Тәуелсіздігіне 25 жыл

Tanymal qyrǵyzstandyq stendap-komik ota kezinde qaitys boldy

Tanymal qyrǵyzstandyq stendap-komik ota kezinde qaitys boldy
ashyq derekkóz

Agressivti súiek qaterli isigine shaldyqqan stendap-komik Eldos Almazov 29 jasynda kóz jumdy. Ol Bishkekte ota kezinde qaitys bolǵan. Bul týraly komiktiń nemere ápkesi áleýmettik jelide habarlady, dep habarlaidy ult.kz.

Marqumnyń týysy onyń qazasy jaqyndary úshin aýyr soqqy bolǵanyn jazdy. Ásirese ata-anasy ulynyń ómirin saqtap qalý úshin uzaq ýaqyt boiy kúresken.

«Keshe ota kezinde Eldostan aiyrylyp qaldyq. Bul bárimiz úshin, ásirese ata-anasy úshin orny tolmas qaiǵy. Onyń jaqyndary, ásirese anasy men ákesi, bul aýrýmen uzaq ýaqyt kúresti. Olardyń qandai aýyr kúnder men synaqtardy bastan ótkergenin bir Alla ǵana biledi», – dep jazdy ol.

Komiktiń qaitys bolǵanyn dosy, strimer Anar Abdýllaev ta rastady. Onyń aitýynsha, Eldosqa ish qýysyna ota jasalǵan, alaida júregi shydamai qalǵan. Ol jerleý rásimine ketetin barlyq shyǵyndy ózi kóteretinin málimdedi.

SHOT Telegram-arnasynyń málimetinshe, Eldos Almazov 18 qarasha kúni Bishkekte kóz jumǵan. Otaǵa deiin jaǵdaiy jaqsy bolyp, týystarymen sóilesken. Hirýrgiialyq aralasý shamamen bir saǵatqa sozylǵan. 19 qarasha kúni komiktiń denesi týǵan jeri – Osh qalasyna jetkizilip, jaqyndary janaza shyǵarǵan.

Aýrýmen kúresi

Eldos Almazov qaterli isikke shaldyqqanyn biyl sáýirde habarlaǵan. Bastapqyda sol aiaǵynyń aýyrǵanyn jaraqattan nemese júike qysylýynan kórip, dári-dármekpen emdelgen. Alaida júrý qiyndaǵan soń dárigerge qaralyp, osteosarkoma diagnozyn estigen.

Osteosarkoma – súiek tininde paida bolatyn qaterli isik. Aýrý jyldam damyp, basqa aǵzalarǵa metastaz berýi múmkin.

Komiktiń himioterapiiasyna, biopsiiasyna jáne otasyna qarajat jinaýǵa oqyrmandary men strimerler kómektesken. 17 sáýirge deiin oǵan 800 myń rýblden astam aqsha aýdarylǵan.

Tórt kýrs himioterapiiadan keiin qyrkúiekte Almazovtyń isigine ota jasalyp, ol qaitadan júrýdi úirene bastaǵan. Alaida qazan aiynyń basynda kezekti himioterapiiadan keiin taldaý nátijeleri kúrt nasharlap, murnynan qatty qan ketken. Ol eki táýlik jansaqtaý bóliminde jatyp, qan quidyrǵan.

20 qazanda komik Telegram-arnasynda úiine oralǵanyn jáne kelesi himioterapiiaǵa daiyndalyp jatqanyn jazǵan. Bul onyń sońǵy jazbasy boldy.

Komik týraly ne belgili?

Eldos Almazov 1997 jylǵy 25 qyrkúiekte Qyrǵyzstannyń Osh oblysyndaǵy Telman aýylynda dúniege kelgen. On jasynda oǵan gipofizarlyq nanizm diagnozy qoiylǵan. Bul – ósý gormonynyń jetkiliksiz bólinýinen týyndaityn endokrindik aýrý.

Mektep bitirgen kezde boiy 112 santimetr bolǵan, al eresek shaǵynda shamamen 130 santimetrge jetken. Ol sahnada óziniń syrtqy kelbetin ázilge ainaldyryp, ózin-ózi ájýalaýdan tartynbaǵan.

2018 jyly Máskeýge qonys aýdarǵan komik 2021 jyly TNT arnasyndaǵy «Otkrytyi mikrofon» jobasynyń altynshy maýsymyna qatysyp, kópshilikke tanyldy. Aleksei Sherbakov komandasynda óner kórsetip, jartylai finalǵa deiin jetken. Keiin Azamat Musaǵalievtiń «Bolshoe shoý» jobasyna qatysyp, jeke stendap qoiylymdaryn shyǵarǵan.