Қазақстан Тәуелсіздігіне 25 жыл

Qazaqmys Shatyrkól baiytý fabrikasynyń tehnika parkin jańartyp jatyr

Qazaqmys Shatyrkól baiytý fabrikasynyń tehnika parkin jańartyp jatyr

«Qazaqmys» Tobynyń Shatyrkól baiytý fabrikasyna kásiporynnyń tehnikalyq jabdyqtalýyn jańartý jónindegi investitsiialyq baǵdarlama aiasynda jańa tehnika jetkizildi. Fabrika bir býldozer, eki Foton avtokóligin jáne bir jedel meditsinalyq járdem kóligin aldy. 2026 jyldyń sońyna deiin taǵy úsh tehnika birligin jetkizý josparlanýda, dep habarlaidy Ult.kz.

Avtoparkti jańartý fabrikanyń óndiristik jáne sharýashylyq qajettiligin qamtamasyz etýge, kólik infraqurylymyn damytýǵa jáne qosalqy qyzmettiń jedeldigin arttyrýǵa baǵyttalǵan.

Atap aitqanda, býldozer óndiristik jáne qosalqy jumysty oryndaýǵa arnalǵan. Foton avtokólikteri kásiporynnyń kólik qajettiligine paidalanylady. Al jedel meditsinalyq járdem kóligi jumyskerlerge meditsinalyq kómek kórsetýdi qamtamasyz etetin qyzmettiń tehnikalyq jaraqtandyrylýyn tolyqtyrady.

Tehnikany jańartýdyń kelesi kezeńinde vahtalyq avtobýs, tentti shanaǵy bar Foton júk kóligi jáne manipýliatory bar KAMAZ jetkiziledi. Jańa tehnika kásiporynnyń kólik múmkindigin keńeitip, túrli óndiristik jáne sharýashylyq mindetterdi oryndaýǵa jaǵdai jasaidy.

Tehnikalyq jaraqtandyrýdy jańartýmen qatar fabrikada óndiristik jáne turmystyq infraqurylymdy damytý jumysy júrgizilýde. Kásiporyn aýmaǵynda jóndeý-mehanikalyq sheberhanasy, zerthana, órt sóndirý deposy, jataqhana jáne ashana jumys isteidi.

Jumyskerler aýmaqty abattandyrýǵa belsendi atsalysýda. Ujymnyń kúshimen alleia, sýburqaq-sarqyrama jáne túrli is-sharalar ótkizýge arnalǵan sahnasy bar alań jabdyqtaldy.

Shatyrkól baiytý fabrikasynyń tehnika parkin jańartý jáne infraqurylymyn damytý kásiporynnyń turaqty jumysyn qamtamasyz etýge, óndiristik úderistiń tiimdiligin arttyrýǵa jáne jumyskerler úshin eńbek jaǵdaiyn jaqsartýǵa baǵyttalǵan.