Aqyn Móldir Aitbai belgili ánshi Ómirqul Ainiiazovqa arnap jazǵan ániniń tarihyn aityp, óner iesine renishin bildirdi. Onyń sózinshe, ánshi bir jilik ettiń aqshasyn suraǵan, dep habarlaidy ult.kz.

Aqynnyń aitýynsha, ol Ómirqul Ainiiazovqa arnap óleń jazbas buryn ánshiden bir jilik et suraǵan. Óner iesi ótinishin oryndap, etti inisi arqyly berip jibergen. Keiin osy oqiǵadan soń án dúniege kelgen.
Móldir Aitbai 30 qyrkúiekte ótken grand-finalda án oryndalǵannan keiin Ómirqul Ainiiazovtyń jubaiy sahnaǵa shyǵyp, ózine altyn saqina syilaǵanyn eske aldy.
"Jeńgem sahnada sóilep, "Osynsha jasqa kelgende Ómekeńniń on úshinshi qabyrǵasy degen atqa ie qylǵan Móldir qaiyn sińilime" degen kezde, kemi brilliant nabor kúttim. Altyn saqina dedi", – dep baiandady aqyn.
Alaida keiingi jaǵdai aqynnyń kóńiline qaiaý túsirgen. Móldir Aitbai ánshiden taǵy bir jilik et suraǵanda, ol jaqynda mal soiatynyn aityp, ótinishin jazyp qoiatynyn jetkizgen. Keiin aqynǵa 3300 teńge týraly aýdiohabarlama kelgen.
"Ómirqul aǵa aýdiohabarlama jiberipti. Sodan 3300 teńge degendi kótere almadym. Balasyna ózim baryp alyp ketemin dedim. Etti tiep berdi", – dedi ol.
Aqynnyń sózinshe, ol osy jaǵdaidan keiin sahnada syiǵa alǵan altyn saqinasyn ánshiniń balasyna qaitaryp bergen.
"Mynany seniń mamań kelip, eldiń aldynda taqqan edi. "On úshinshi qabyrǵany" jazyp berip, bir qabyrǵany satyp alatyn bolsam, onda men taqpai-aq qoiaiyn. Altyn taǵyp otyryp jedim dep elesteteiin. Osyny ákeńe ber, osymen eseptestik", – degen Móldir Aitbai.
Móldir Aitbaidyń bul áńgimesi kópshiliktiń nazaryn aýdardy. Aqyn Qainar Alagózov te pikir bildirip, áriptesine qoldaý kórsetti
"Botam-aý, esińde bolsyn: bir aqyn on ánshini asyraidy, bir ánshi on aqyndy asyrai almaidy", – dep jazdy ol.
Ázirge Ómirqul Ainiiazovtyń atalǵan jaǵdaiǵa qatysty pikiri jariialanǵan joq.