19 qarashada Qazaqstannyń birqatar óńirinde jańbyr men qar jaýady. Soltústik pen soltústik-batysta kóktaiǵaq bolyp, kei jerde jaiaý burqasyn soǵady. Túnde jáne tańerteń tuman túsip, jel kúsheiedi, dep habarlaidy ult.kz.
Astanada jaýyn-shashyn kútilmeidi. Túnde −6…−4 °C, kúndiz +1…+3 °C, jel 3–8 m/s. Almatydada jaýyn-shashynsyz, túnde tuman túsýi múmkin. Aýa temperatýrasy túnde +2…+4 °C, kúndiz +12…+14 °C, jel 3–8 m/s. Shymkentte kúndiz jańbyr jaýady. Túnde +7…+9 °C, kúndiz +18…+20 °C, jel 8–13 m/s bolady.
Aqmola, Qostanai jáne Soltústik Qazaqstan oblystarynyń kei bóliginde túnde qar jaýyp, kóktaiǵaq bolady. Qostanai men Soltústik Qazaqstanda jaiaý burqasyn soǵýy múmkin. Pavlodar oblysynda jaýyn-shashynsyz, túnde −11…−6 °C, kúndiz 0…+5 °C. Batys Qazaqstanda jańbyr men qar, Mańǵystaýda jańbyr kútiledi. Aqtóbe men Atyraý oblystarynda kei jerlerge tuman túsedi. Aqtóbe, Batys Qazaqstan jáne Mańǵystaý oblystarynyń jekelegen aýdandarynda jel ekpini 15–20 m/s-qa jetedi.
Qaraǵandy, Abai jáne Shyǵys Qazaqstan oblystarynda jaýyn-shashynsyz, kei jerlerde tuman túsedi. Qaraǵandy oblysynyń soltústik-shyǵysynda túnde aiaz −18 °C-qa deiin kúsheiip, kúndiz oblystyń basym bóliginde 0…+5 °C bolady. Ulytaý oblysynda túnde negizinen −5…0 °C, kúndiz +3…+8 °C kútiledi. Óńirdiń soltústigi men ortalyǵynda kúndiz azdap jańbyr jaýady.
Qyzylorda, Túrkistan, Jambyl, Almaty jáne Jetisý oblystarynda túngi jáne tańǵy tuman boljanady. Jambyl oblysynda túnde +1…+6 °C, kúndiz +16…+21 °C bolady, taýly aýdandarda salqyndaý. Jetisýda jaýyn-shashyn kútilmeidi, biraq óńirdiń shyǵysy men taýly aýdandarynda jel ekpini 15–20 m/s-qa jetýi múmkin.