Premer-ministr Oljas Bektenov Aqtóbe oblysynyń Hromtaý aýdanyndaǵy «Qazhrom» transulttyq kompaniiasy» AQ-nyń Dóń taý-ken baiytý kombinatyna qarasty «Bolashaq» shahtasyna baryp, ónerkásiptik qaýipsizdik pen eńbekti qorǵaýdy qamtamasyz etý boiynsha qabyldanyp jatqan sharalardy tekserdi. Óndiristik táýekelderdiń aldyn alýdyń zamanaýi tehnologiialaryn jáne tsifrlyq baqylaý júielerin engizýge nazar aýdaryldy, dep habarlaidy Ult.kz.
Joba otandyq taý-ken metallýrgiia salasyndaǵy eń iri jobalardyń biri bolyp sanalady. Shahta 2024 jyldyń jeltoqsanynda Prezident Qasym-Jomart Toqaevtyń qatysýymen iske qosyldy.
Shahta Millionnoe jáne Almaz-Jemchýjina ken oryndaryn jáne alty jerasty gorizontyn qamtidy. Onyń aýmaǵynda uzyndyǵy bir shaqyrymnan asatyn Qazaqstandaǵy eń tereń shahta oqpany ornalasqan. Óndiris jylyna 7 mln tonnadan astam ken óndirýge qaýqarly. Jobany júzege asyrýǵa salynǵan investitsiialar shamamen 1 trln teńgege baǵalanady. 1,8 myń jumys orny ashyldy.
«Qazhrom» transulttyq kompaniiasy» AQ bas direktory Erjan Abdýlabekov qoldanystaǵy ken óndirý tehnologiialary men ónerkásiptik qaýipsizdikti qamtamasyz etý sharalary týraly baiandady. Memleket basshysy jariialaǵan Tsifrlandyrý jáne jasandy intellekt jyly aiasynda óndiristiń tiimdiligin arttyrýǵa baǵyttalǵan tsifrlyq sheshimder engizilýde. Shahtada qol eńbeginiń úlesin azaitýǵa jáne eńbek ónimdiligin arttyrýǵa múmkindik beretin zamanaýi, joǵary ónimdi ken óndirý júieleri men ózdiginen júretin arnaiy tehnika qoldanylady. Personal men jabdyqtyń ornalasqan jerin baqylaý úshin intellektýaldy jerasty pozitsiialaý júiesi qoldanylady. Tehnologiialyq sheshimderdi ázirleý úshin Qazaqstan men shet elderdiń salalyq ǵylymi uiymdary tartylyp, shahta keńistigindegi qaýipti gazdardy aldyn ala shyǵarý jobasy ázirlendi. Ónerkásiptik qaýipsizdik júiesin jetildirý jónindegi jumys ǵylymi zertteýlerdi, tsifrlyq modeldeýdi jáne zamanaýi injenerlik sheshimderdi engizýdi qamtidy.
Shahtany aralaý barysynda Premer-ministr ónerkásiptik qaýipsizdik jáne eńbekti qorǵaý máselelerine nazar aýdardy. Buryn anyqtalǵan buzýshylyqtar men apattardy eskere otyryp, Oljas Bektenov óndiristik nysandarda belgilengen talaptardyń saqtalýyn baqylaýdy kúsheitýdi, jabdyqtyń tiisti tehnikalyq jai-kúiin qamtamasyz etýdi jáne jazataiym oqiǵalardyń aldyn alý boiynsha qosymsha sharalar qabyldaýdy tapsyrdy. Qaýipsiz eńbek jaǵdailaryn jasaý jáne qyzmetkerlerdiń ómiri men densaýlyǵy úshin táýekelderdi azaitý boiynsha kásiporyn basshylarynyń derbes jaýapkershiligi atap ótildi.

«Memleket basshysy qoǵamdyq jáne ekonomikalyq ómirdiń barlyq salasynda “Zań men Tártip” konstitýtsiialyq qaǵidatyn nyǵaitý saiasatyn júieli túrde júzege asyryp keledi. Ónerkásip salasynda bul, eń aldymen, – qaýipsizdik talaptaryn múltiksiz saqtaý jáne qyzmetkerlerdiń ómiri men densaýlyǵy úshin kásiporyn basshylarynyń jaýapkershiligi. Oqiǵalar oryn alǵannan keiin áreket etýden buryn táýekelderdiń aldyn alýdyń júieli tásiline kóship, baqylaýdyń tsifrlyq quraldaryn belsendi túrde engizý qajet. Eńbek qaýipsizdigi árbir kásiporynnyń óndiristik mádenietiniń ajyramas bóligine ainalýǵa tiis», — dep atap ótti Oljas Bektenov.
Jalpy Qazaqstanda Tótenshe jaǵdailar ministrligi ónerkásiptik qaýipsizdikti baqylaýdy tsifrlandyrý boiynsha dáiekti jumys júrgizýde. Vedomstvonyń Ahýaldyq ortalyǵyna táýlik boiy «Karaganda Komir» JShS, «Qazaqmys korporatsiiasy» JShS, «Shalqiia Tsink LTD» AQ jáne «Qazhrom» TUK» AQ Dóń taý-ken baiytý kombinaty filialynyń 20 shahtasy men kenishinen pozitsiialaý jáne beinemonitoring júieleriniń derekteri kelip túsedi. Bul naqty ýaqyt rejiminde jumysshylar men tehnikalardyń ornalasqan jerin baqylaýǵa, kenish aýasynyń jai-kúiin baqylaýǵa, qaýipti faktorlardy anyqtaýǵa jáne jedel habarlaý signaldaryn iske qosýǵa múmkindik beredi.