Қазақстан Тәуелсіздігіне 25 жыл

21 qarashada aýa raiy qandai bolady?

21 qarashada aýa raiy qandai bolady?
Foto: Neirojeli arqyly jasaldy

Senbi, 21 qarashada Qazaqstannyń birqatar óńirinde jańbyr men qar jaýady. Kei jerlerde tuman túsip, kóktaiǵaq bolady. Batys pen ońtústikte jel kúsheiip, ońtústiktiń kei aýdandarynda naizaǵai oinaýy múmkin, dep habarlaidy ult.kz.

Astanada túnde −6…−4 °C, kúndiz +4…+6 °C bolady. Jaýyn-shashyn kútilmeidi, biraq aragidik tuman túsip, kóktaiǵaq bolady. Almatyda túnde +4…+6 °C, kúndiz +14…+16 °C, jaýyn-shashynsyz. Eki qalada da jeldiń jyldamdyǵy 3–8 m/s bolady. Shymkentte túnde +11…+13 °C, kúndiz +18…+20 °C. Ara-tura jańbyr jaýyp, jel ekpini 15–20 m/s-qa jetedi. 

Aqmola, Qostanai, Soltústik Qazaqstan, Pavlodar, Abai, Shyǵys Qazaqstan jáne Ulytaý oblystarynda jaýyn-shashynsyz aýa raiy basym, kei jerlerde tuman túsedi. Aqmola men Soltústik Qazaqstanda kóktaiǵaq kútiledi. Kei aýdandarda túnde aýa temperatýrasy −13 °C-qa deiin tómendeidi. Qaraǵandy oblysynyń ońtústiginde túnde jańbyr men qar, kúndiz jańbyr jaýady. 

Batys Qazaqstan, Atyraý jáne Mańǵystaý oblystarynda jańbyr jaýady, al Aqtóbe oblysynyń kei jerlerinde túnde jańbyr men qar aralas jaýady. Batys Qazaqstan oblysynda jel ekpini 23 m/s-qa deiin jetýi múmkin. Jambyl men Qyzylorda oblystarynyń kei aýdandarynda jańbyr jaýady. Túrkistan oblysynda jańbyrmen birge naizaǵai kútiledi. Almaty oblysynda jaýyn-shashynsyz, al Jetisýda Alakól mańynda jel ekpini 17–22 m/s bolady.